Higiriiri 24:6 - Ma Jou ai Demo-demo o Totobelohoka

⁶ Ho igoungu o nyawa abe manga hininga hokogea, ona gea dika abe ka idadi yoboa Ngona Ma Jou o Yawe ani himangino, la yomahuba-huba Ngonaika abe nodadi ngone o Yakubu ai totoforauku nanga Jou!

Higiriiri 24:6 ပူးပေါင်းရင်းမြစ်များ

Higiriiri 105:4

De kiani ngone hilingiri Ma Jou o Yawe de ai buturungu, De ngone ka ihikaika Una ka hilingirohi de nanga hininga ma gahumu.

Higiriiri 22:30

Ho o nyawa naa de ona abe imahikauku yomaboa ahao iwileleani Ma Jouika, De manga dimo-dimono ahao yaade-ade manga ngofa-ngofakuku, Yahingahu gea abe Ma Jou o Yawe wodiai de o heheranga ma ngoe, Ho onangoo ahao yoihene ma titi Ma Jou ai owa onangika.

Yesaya 53:10

Masara ai kangela mata-mata gea Ma Jou o Yawe ai mau imakiniiki. Gea Ma Jou o Yawe abe wihidatapaluika de o huha de o kangela duru kohaodiri gea. De hokogea una womahidoaka la wodadi o huhuba abe aofi o nyawa manga howono mata-mataika. De angamoi wahihohe manga howonino hiadono o nyawa manga ngoe yomahinganono unangika ho genangino ona yahiromanga to una ai ngofa-ngofaka de ai dano-danonguku. De ngaro una ko iwiperekiuahi de ai wowango atoakoka de o hone-honenge, masara ai hingounino Ma Jou ai mauika hiadono una wamake ai wowango duru ma dekana. Abe gea una wohidagi Ma Jou o Yawe ai hidee o nyawaika la wahihohe manga howo-howonino.

Yohanese 1:47

Ho yoboaino o Yesusino de ona yotagiohi iwihimangino abe o Natanele ko womahiadonuahi de o Yesusu wihidaere unangika wato, “Ho ngone naa himakeoka o nauru abe ko woelu-elukua ho itiai una naa hihiromanga o Isiraele ma nyawa ma gou-goungu.” Hokogea o Yesusu wotemo o nyawa manga himangoka.

Roma 4:16

De igoungu abe Ma Jou woigo wonahiowa ngone, ho Una wohiaturu la ngone o nyawa ka idadi hamake to Una ai hiowa ma titi nanga ngongakuino dika. Abe ma hiowa gea mata-mata wosanangi wonahidoaka ma titi ai hininga ma owaka dika de aino, ho ko wohiaturua la ngone hamake ai hiowa ma titi nanga datorino. De ena gea ma titi hiadono Una wohiaturu la onagona dika iwingaku Unangika de ona gea ka idadi yamake ma hiowa Unangoka de aino abe ma dihiraino de wahibehehongoka. De hokogea Ma Jou wohiaturu la ka idadi to Abarahaama ai totoforauku mata-mata ka idadi yamake to Una ai hiowa Unangino. Abe gea ma titi ngaro o Yahudi ma nyawa abe iwingaku Ma Jouika de ka yanii-niikohi ma Paretaika, de ngaro ona ko o Yahudi ma nyawaua abe manga ngongaku ka imaketero dika hoka to Abarahaamoli ai ngongaku Ma Jouika, masara ona iwingaku-ngaku mata-mata Ma Jou woigo la yakokimake ma hiowa Unangoka de aino. Angamoi ngone hingaku-ngaku mata-mata to ngone nanga tofora ma domoro ka womatengo dika o Abarahaama.

1 Peturusu 2:9

Masara nako ngini hokogenangua. Angamoi ngini naa nidadioka to Una ma hirete ai nyawa duru ma hohailoa. De nidadioo o hidemo ma nyawa abe niwitobaleleani nanga Koano Ma Jouika. De ngini o doomu moi abe nitebi-tebini angamoi Una womadingakino ngini la nidadi to Una ai nyawa. De gea ngini nidadioka to Una ai nyawa la Ma Jou ai hininga ma datoro ma hohailoa ngini niahingahu-ngahu o nyawaika. De ngini duru nihiorikoka ai datoro ma hohailoa gea, angamoi Una nengokadauino de winihihupuoka o fufutu ma kuahaka de aino de winihigogeroli to Una ai dararonoka abe duru ihohailoaholi. Ho to Una ai datoro gea abe ngini kiani niahingahu-ngahu o nyawa-nyawaika.