Higiriiri 24:1 - Ma Jou ai Demo-demo o Totobelohoka

¹ O dunia naa de ma dola mata-mata, gea ma dutu Ma Jou o Yawe dika. De ai dulaada ka ma moi de ngone o nyawa mata-mata abe homanoa naanguku, duru mata-mataika idadioka to Una dika ai kuahaka.

Higiriiri 24:1 ပူးပေါင်းရင်းမြစ်များ

1 Tawari 29:11

O bobuturungu de o kuaha Ngona ma dutu mata-mataika, De o medebini ma dararono, de o gogere abe duru kohagurutiye, De o Horoga ma hohailoa ena mata-mata ihititi Ngonaka, Mata-mata abe naga o Horogaka de o duniaka gea ka to Ngona. Ngaro o koano abe wahikoano o Isiraele ma nyawa masara, O koano ma kuaha gea duru ka Ngonaka abe ani giama ma hoatoka, Ngona mia Baluhu idodutu ho duru itiai abe ngomi o nyawa mata-mata minigorakiye.

1 Tawari 29:16

Ho mia Jou, Ma Jou o Yawe, mimahingahu Ngonaika, Ma kiahonanga naa Ngonaika dika ma dumutu mimahuba-huba, Abe ma titi to Ngona ani Tau hiadono ngomi miatoomuinoka, Masara nenanga miamake ka Ngonaka dika de aino mata-mata. Ho migahoko Ngonaika miato napake la ihiboa o higiriiri Ngonaiye.

Huhupu 19:5

Ho nako ngini nihihingounu de nianiiki ahi behehongo ahao Ngohi tiniiriki o nyawa mata-mataino abe naga o duniaka la ka nginiohi tinihidadi ahi nyawa abe tomahitongohi. Ho ngaro o dunia mata-mata to Ngohi ma, ka nginiohi tinigoana de ahi dora.

Huhupu 9:29

De o Musa wipaluhu wato, “Nako hokogea, ka idadi miniduhunu. Ka de ani kotaino naa tohupuoka de ahao ahi giama tohidoakiye Ma Jou o Yaweiye de tininiata ngini. Ka de tininiata ibooto de o kuruuhu de o es ma awana naa iogoroka ho enangoo gea ibooto inihikangela. Ma Jou wapuraraha de naa Una wohiogoro la duru itaana ngonaika abe o dunia naa duru to Ma Jou o Yawe ai dunia ho duru to Una ai kuahaka igogere.

1 Korintusu 10:26

Angamoi o dunia naa de o dunia ma kiahonanga mata-mata, gea mata-mata to Ma Jou ai dulaada.