Higiriiri 22:8 - Ma Jou ai Demo-demo o Totobelohoka

⁸ De manga demo ko iwa ma horomati Ma Jou o Yaweika ato, “Sarakia, una naa abe duru womahinganono Ma Jou o Yaweika? Nako igoungu hokogea de abeika hinoaika dika genangoka! Abe nako itaana Ma Jou o Yawe igoungu duru widora unangika, Ahao una wodadi Ma Jou o Yawe ai tagongo. Ho abeika nako Ma Jou o Yawe woigo wihihupu ai kangelaino naa.” Hokogea manga hohedu ma demo.

Higiriiri 22:8 ပူးပေါင်းရင်းမြစ်များ

Higiriiri 18:19

de Una wohihihira-hira o dame ma ngiika, angamoi Una wohisanangi ngohino ho hiadono wohiduhunu.”

Higiriiri 37:5

De o kia dika nidiai de nidiai la ma dumutu Ma Jou o Yaweika. Abe iti ngini niwingaku Unangika de nia hininga ma gahumu, De duru Una woigo winiduhunu de o kia dika nidiai.

Higiriiri 91:14

Abe Ma Jou o Yawe womahingahu wato, “Mangale ma titi ona naa manga hininga itagi ka Ngohino dika, ho Ngohi ka idadi taduhunu onangika ma titi ihitobaniiki Ngohino.

Yesaya 42:1

De Ma Jou o Yawe wotemo wato, “Abeika naa Una ahi Huhuloko, Una abe Ngohi tihiputurungu. Abe Ngohi tiirikoka Una de duru tidosanangi Unangika gea. De Ngohi tihidoakoka ahi Womaha Unangika la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.

Matiusu 12:18

“Abeika naa Una ahi Huhuloko abe Ngohi tiirikoka. Abe Ngohi duru tidora de tidosanangi Unangika gea. De Ngohi ahao tihidoaka Unangika ahi Womaha la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.

Matiusu 17:5

De o Peturusu wotemo ai gogiriaka de o lobi moi ma dararono yakokihawoka. De ahao Ma Jou wotemo de yoihene o lobioka de auku o ilingi abe wotemo wato, “Naa to Ngohi ahi Ngofaka abe duru tidora Unangika de duru tisanangi Unangika, ho kiani ngini niwihigihene Unangika.”

Matiusu 3:17

De nagali woihene o ilingi moi o Horogauku itemo ato, “Una naa ahi Ngofaka abe duru tidora de duru tidosanangi Unangika.”

Lukasa 23:35

De o nyawa yowoe-woe iwilega-lega dika Unangika, masara o Yahudi ma nyawa manga hohidimono iwihohedu o Yesusika abe yotemo ato, “O nyawa utu watobaduhunu, ho abeika hilega-lega nako Una ka idadi womaduhunu Una ma hirete. Abe nako Una wagou-goungu Ma Jou ai Mesia abe wiirikoka la wodadi nanga koano, gea boteua de wakunu womaduhunu!”