Higiriiri 22:4 - Ma Jou ai Demo-demo o Totobelohoka

⁴ To ngomi mia totofora abe yomahinganono duru ka Ngonaika dika, Ona yomahinganono de manga ngongaku Ngonaika, De Ngona nahihupu mia totofora gea manga kangelaino.

Higiriiri 22:4 ပူးပေါင်းရင်းမြစ်များ

Dodadi 15:6

Gea ai behehongo woihene de o Abaraama duru wingaku Ma Jouika. De ai ngongaku gea ma titi hiadono Ma Jou wato, “O Abaraama wotiai ahi himangoka.”

Dodadi 32:28

Ho gea wihingahu wato, “De naa tonihingahu ngona ani romanga ko o Yakubokaua masara naa tonihiromangoli o Isiraele ma titi nimaketeribuutu de Ma Jou angamoi ngona duru noputurungu hiadono ngaro de Ma Jou ma, nimaketeribuutu. De ngaro nimaketeribuutu de o nyawa, ma, mata-mataika ka ngonahi nolaku.”

2 Tawari 5:13

De ona abe manga guguli yawuu-wuwu de ona utu abe yonyanyi, ona mata-mata duru yomakiniiki itiai ma ilingi abe manga higiriiri ma nyanyiangoka la manga tarimakase ihiboa ma higiriiri Ma Jou o Yaweiye. De nagali onangoo abe yarago-ragoho o totabua de yotobakuti o hitar, de abe o gogereenge ihikokaboha, de ona yomakutuono mata-mata de manga higiriiri ma demo Ma Jouiye hokonaa ma demo: “Mata-mata Ma Jouoka duru ma owa! To Una ai dora abe o nyawaika ko iwa ma baha, Masara ka itagi o nyawaika ka hiado-adonika.” Ka de hokogea yonyanyi de o lobi iwohama Ma Jou o Yawe ai Tau ma goronaika ka hiadono aomangoka de ma lobi gea.

Huhupu 14:31

Hokogea Ma Jou o Yawe womahimatoko de ai buturungu o Mesiiri ma nyawaika. De o Isiraele ma nyawa ka de yamake gea wodiai de duru yoherangaholi hiadono ona de manga horomati de ma hawanoka Ma Jou o Yaweika. Ho genangoka manga ngongaku ihititi iputurungu Ma Jou o Yaweika de ai gilaongo o Musaika, unangikaoo ma, ka iwingaku.