Higiriiri 22:3 - Ma Jou ai Demo-demo o Totobelohoka

³ De ngaro hokogea o huha ma amoko ihidaene ngohino, Masara, igoungu Ngona Ma Jou duru Notebi-tebini, De o Isiraele ma nyawa manga huhuba o higiriiri ka ihikaika inihigilolitino, Abe ka ihikaika Ngona naga nogogeruku ani kaderaka.

Higiriiri 22:3 ပူးပေါင်းရင်းမြစ်များ

Yesaya 6:3

De ma serafa gea yomakokoboaka ato, “Ma Jou o Yawe abe wahipareta o Horogaka ma tentara, Una gea duru ko ai medebini! De o dunia ma amokika aomangoka de to Una ai medebini ma dararono!”

Habaku 1:2

De o Habaku witemo Ma Jouika wato, “Ahi Jou o Yawe, done hokokia ma dekana ngohi kiani tohigali-gali tomagahoko o duduhunu Ngonaika? Angamoi Ngona ko nohipaluhuahi! Abe ma muruono ibooto tonihingahu ma titi o kangela de o huha ngomi miaohana, masara Ngona ko nomiduhunuahi! Muruonoka de ahao nomiduhunu ngomi naa?

Himatoko 4:8

De nako ma aewani ma ngango iata, gea amomoiika naga de ma gafuufuoka abobutaangaka. De gea ngaro to ena ma gafuufu dau ma timiye eko ngaro ma badanga ma amokika, ma gea akokitamunoka de ma lako. De ma aewani ena gea o futu de o wange duru ka ihikaika inyanyi ma higiriiri ma demo naa, itemo ato, “Una gea wotebini, Una duru wotebini, nanga Baluhu Ma Jou abe ngaro mata-mataika ma ka to Unangohi ai kuaha duru kohaamoko. Una gea ngaro ka hiado-adonino ma Una nagau, de Una gea abe ma oraha naa Una nagahi, de ngaro ka hiado-adonika ma Una gea ka wowangohi. Ho Una gea duru wotebi-tebini.” Hokogea iwihigiriiri Unangika.