Higiriiri 22:2 - Ma Jou ai Demo-demo o Totobelohoka

² Ahi Jou to ngohi ahi huha duru ihilufungokaholi, Hiadono o duduhunu togari o wangeoka de ka hiadono ihidufutuku, Masara ahi gogahoko hokogea de Ngona ko nohipaluhua, Ngona ahi gari ma ilingi noihene masara ahi huha ko ihailuahi.

Higiriiri 22:2 ပူးပေါင်းရင်းမြစ်များ

Matiusu 26:44

Ho Una woikoli ai dingiika de womaniatoli Ma Jouiye, de ai demo imaketero abe hokokanganoli ai demo Unangiye.

Lukasa 18:7

Ho hongoli Ma Jou ahao wahigihene to Una ai nyawa manga gogahoko ma demoino abe yomatobagahoko o futu de o wange Unangika! De abe ma oraha Una waduhunu onangika, ai putuhu gea duru itiai manga wowangoika.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

1 Tesalonika 3:10

De ngomi naa duru ka ihikaika mimagahoko o futu de o wange Ma Jouiye la ahao ka idadi ngone homarihimangoli ngomi de ngini, angamoi ngomi mia hiningaka miato miniduhunu la nako nagahi nia kuranga ma titi nia ngongakuoka, ena gea ka idadi ngomi minihidogo nginika la nia ngongaku gea utuohi iputurungu Ma Jouika.

2 Timotiusu 1:3

Ahi ngofaka o Timotiusu, ngohi duru totarimakase Ma Jouiye ma titi ngona ani ngongaku iahumu Unangika. De ngohi o futu-futuiye de o wange-wangeiye tonihohininga ngona de hiadono totarimakase Unangika ma titi ngona abe ma oraha ahi biaha o nyawa tatobagaho-gahoko, ho gea ngaro ngonaoo ma tonitobagahoko. De igoungu ngohi tomaniata de tileleani Ma Jouiye abe imaketero hoka ma dihiraino ahi totofora onangoo yomaniata de iwileleani Unangiye. De gea ngohi tileleani de ahi hininga ma debi-debinino tapake abe tohioriki hokogea itiai tileleani.