Higiriiri 22:15 - Ma Jou ai Demo-demo o Totobelohoka

¹⁵ Ahi roehe yodudungoka ka hiadono ahi buturungu enangoo iowahoka, Imaketero de o tonaka ma tau-taulu abe awoerika o wangeoka hiadono itogowinoka, Hokogea ahi roehe hiadono ahi akiroo imakahumu de ahi uru ma roehe, Ngohi tamao hoka nohikelenga nohiwoere o ngekomo ma kuhuhunoka, De hiadono ahi roehe ngade-ngade idadioka o honenge ma dirihi.

Higiriiri 22:15 ပူးပေါင်းရင်းမြစ်များ

Dodadi 18:27

Masara o Abarahaama wademoli Ma Jouika wato, “Ngohi ani himangoka naa imaketero hoka o tonaka ma kafo eko o uku ma kafo dika, ho done sarakia de ka ihimoroinohi totemo Ma Jouika?

Dodadi 3:19

De ngona ahao nomakarajaanga hiadono ani gahauku ma amoko de duru nokangelaka de ahao ani inomo namake. Ho ka ihikaika hokogea hiadono nohonenge de gea nolio o tonakuku, angamoi ngona nodadi o tonakino de ahao o tonakukuoli nolio.” Hokogea Ma Jou ai hohowono o nyawaika.

Higiriiri 104:29

Masara nako Ngona o aewani gea noporetika de ena duru ihawana, De nako to ena ma womaha natoaka de ka ihonenge, De ma badanga iliokali o tonakika abe genangino idadi.

Sosawaro 17:22

Nako homorene doka nanga hiningaka, gea imaketero hoka o houru ma doto abe duru inaduhunu. Masara nako ka ihikaika nanga hininga ma dubuho naga, gea ahao nanga magawe ihihanga de nanga badangoo ilamaanoka.

Yesaya 53:12

Ho Ma Jou wotemo wato, “Ngohi duru tisanangi unangika hiadono ahao tigorakiye de o horomati, de Ngohi tihigogere o kuaha ma gogogeroka abe kiani ona yamake abe yodiai duru ma rorahai de yotobalaku de manga buturungu ma gahumu. De ahi huhuloko gea wamake o lolaku ma utumu hoka onangoli angamoi una womahidoaka ka hiadono wohonenge.” De una gea iwietongo de o nyawa ma dorou manga doomuoka angamoi to ona manga howono womahitounaka. De ona gea una wahidemo Ma Jouika la manga howono waofi angamoi ona manga ngoe yatotilakuroka Ma Jou ai paretaika.

Matiusu 27:50

De ahao o Yesusu ka wopoakohi de ai ilingi ma amokiye de gea ai ngomaha itoakoka.

Yohanese 19:28

Ka de wahibehehongoka onangika ibooto de o Yesusu wohiorikoka ai karajaanga abe o nyawa waduhunu, naa mata-mata wabootoka. De naa o Yesusu wotemo de ai demo duru imakadaene abe ma dihira Ma Jou ai uru ma dodofanga ihitulihukuoka Ma Jou ai Demo-demoka, abe wotemo wato, “Ngohi ahi ngomaha yodudungu.”

1 Korintusu 15:3

Angamoi nengokadau ngohi tinihikodokuoka nginika ma dodotoko abe ma titi o Yesusu Kristusu. De abe nako ma dodotoko eko ma hingahu mata-mataika, ma ka enangohi ikurutiye. De ma dodotoko gea ma dihira ngohioo tamake imaketero hoka nginioli niamake. De hokonaa ma dodotoko gea, itemo ato, “O Kristusu Una wohonenge ma titi to ngone nanga howono, de ai hohonenge gea idadi imaketero hoka ma dihira Ma Jou ai Demo-demoka ihitulihukuoka.