Higiriiri 22:1 - Ma Jou ai Demo-demo o Totobelohoka

¹ Ahi Jou, ahi Jou, adodoa ho nohinoaika ngohi? Ngohi ahi gururihi ma goronaka de o duduhunu tomagahoko Ngonaino, Adodoa ho ahi gogahoko hokogea de o duduhunu ko tamakeua? Adodoa ho Ngona ko nohigihenua, hoka nomatingaka ma gurutika?

Higiriiri 22:1 ပူးပေါင်းရင်းမြစ်များ

Higiriiri 22:11

Ho ufa Ngona ahi Jou nohitingaka ma gurutika, Angamoi naga o kangela duru itigioka ngohino. De ko moiua naga nenangoka abe yoigo ihiduhunu.

Higiriiri 22:16

Igoungu ahi musu naa ihigilolitino hoka o kaho o duduono moi, Abe de ma dualono ka ihikaika ihitigi ngohino ihidamaa tohonenge. Ahi giama de ahi lou arihononga, ona yatopokikaka.

Higiriiri 37:28

Ma Jou o Yawe ai dora itagi onagonaika dika iti yaniiki to Una ai totiai. De Una ko wanoaikaua ona abe manga dumutu la iwihisanangi. Ona abe ka ihikaika iwihisanangi, Una ka ihikaika wadatoko o boditoino. Masara ona abe yotobadiai itotorou manga ngofa-ngofaka yokangela, Abe manga dimono manga hohowono o bobinaahaika adaene onangikaoo.

Gogao 2:6

De ahao o hinyole ma roti gea niapela-pelakuku de nihituagiokahi de o saitunu ma minya de ahao nia huhuba gea niahidoaka onangika abe inihidemo Ngohino.

Matiusu 27:46

De adonoka o takoro hange de duru ma oraha gea o Yesusu wopoaka de ai ilingi duru kohaamokiye wato, “Eli, Eli, lema sabatani!” Abe ai demo gea ma titi, “Ahi Jou, ahi Jou, adodoa ho ka nohinoaika dika Ngohi?”

Maruku 15:34

De adonoka o takoro hange de duru ma oraha gea o Yesusu wopoaka de ai ilingi duru kohaamokiye wato, “Eloi, Eloi, lema sabatani!” Abe ai demo gea ma titi, “Ahi Jou, ahi Jou, adodoa ho nohinoaika Ngohi?”

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Lukasa 24:44

De ahao wotemo wato, “Naa abe idadioka Ngohino duru imaketero dika hoka tinihingahuoka ma dihiraino abe ngone ka homakiniikohi de totobadotoko. Abe ma dihiraino gea tato mata-mata abe ma dekanoka de ihitulihukuoka ma titi Ngohi, gea mata-mata kiani idadi Ngohino. Abe ngaro o Musa ai Paretaka ma demo abe ihidumutu Ngohino, de abe Ma Jou ai uru ma dodofanga manga demoka, de abe ma demo utuino hohiromanga o Higiriiri ma Nyanyianga ma bukuoka de ihidumutu Ngohino, gea ma dihiraino de tinihingahuoka abe ma demo gea mata-mata kiani ihingodumu ahi wowangoino. De ma oraha naa ka idadi nihioriki abe ma demo gea mata-mata ihingodumoka Ngohioka.”

Ibarani 13:5

De ti ngini nia wowango ma goronaka de ufa niohafini o tiwika, masara koaho ngaro ti ngini nia kiahonanga iwoe eko ngaro hatoli ihutulu, ma koaho niriidi dika nia hiningaka. De gea ka idadi ngini niriidi angamoi ma dodihiraino de Ma Jou Una ma hirete wonahibehehongoka ngoneino wato, “Ngohi naa duru ko toninoaikaua ka hiado-adonika, masara Ngohi duru ka ihikaika ngonaka la tonigoana.” Hokogea ai behehongo ma demo abe ma dodihiraino ihitulihukuoka.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.

1 Samuele 12:22

Ma Jou o Yawe winihibehehongoka ngini o Isiraele ma nyawa winihidadioka to Una ai nyawa de ai gogao nginika gea duru ko idadiua itoaka. Ho ngaro ma oraha nenanga eko ngaro ma oraha nanga himangika abe ko iboauahi masara duru ko iwa ma oraha abe Una wininoaika. De angamoi nako hoka Una wininoaika gea wohirusaka o nyawa manga horomati to Una ai romangika abe ka to Una ai romangohi ihikurutiye. De ufa niawohanga Una womangiriki o Isiraele ma nyawa la yodadi to Una ai nyawa abe duru womadingakoka.”