Naumoka de ahao naga ahi demo moioli kiani nadofanga onangika, nato, ‘Ngohi naa o Yawe abe duru Tokokurutiye tinihingahu abe ngini ahao nimaketero hoka o rube ma wale gea abe itefu-tefuroka nia himangoka de ko idadiokaua o nyawa yodiai la iahumoli. Angamoi Ngohi ahao tohiaturu la o Yerusaleeme ma nyawa de o Yehuda ma nyawa mata-mataika tahibinaahaka. De manga hone-honenge ahao yapohu-pohuku naa o Tofetoka hiadono ma ngi akokiomangoka ho ko idadiokaua yalungunu nenangoka.
Higiriiri 2:9 - Ma Jou ai Demo-demo o Totobelohoka9 De ona abe inalawana ahao Ngona napake hoka o boboha o behino, De gea ena ahao nahipoha onangika hiadono nahibinaaha. Ona gea hoka o boto o tonakino abe nohipoha de ani boboha gea, Ho ka de napoha onangika de duru yowede-wederuku.’ Hokogea Ma Jou o Baba ai demo Ngohino to Una ai Ngofakino.” အခန်းကိုကြည့်ပါ။ |
Higiriiri 2:9
14 ပူးပေါင်းရင်းမြစ်များ
De ahao ipaha de momagerewoto de momamake ami ngofaka o nauru, masara ma naga gea ko idadiuali iwiolomo, angamoi ami ngofaka gea iwigorakoka daku Ma Jouiye de iwiao to Ma Jou ai kadera ma hohailoaika. De genangoka ahao o dunia ma nyawa mata-mataika Una duru wahipareta de ma dubuho abe imaketero hoka wapake de o behi.
De Una gea ai uruoka de aino naga ihupu o humaranga o dopo-dopoino abe duru idoto, de ai humaranga gea wapake la wahikala o dunia ma nyawa mata-mataika. De onangika gea ahao duru wahipareta de ma dubuho abe imaketero hoka wapake de o behi. De gea Ma Jou ai ngamo ma hohowono duru ikiria ai musuika ho imaketero hoka o angguru ma hofoko wakokitoomuinoka abe o ngengedere ma ngioka la genangoka duru wawede-wederuku ma hofoko gea. De hokogenangoo ahao idadi ona iwilawa-lawanika, angamoi ngaro mata-mataika ma ka Ma Jouohi duru de ai kuaha kohaamoko, de ai ngamo ma hohowono duru kohagiria onangika.
ကြော်ငြာတွေ