Higiriiri 18:7 - Ma Jou ai Demo-demo o Totobelohoka

⁷ “Abe hokonaa Ma Jou wohiduhunu ahi musu manga hideeino. Una wodiai la o tonaka duru ikelu-kelu, de ngaro o loku-loku dau ma timiuku masara enangoo wohikelu-kelu. De gea mata-mata wodiai ma titi ai ngamo ahi musuika.

Higiriiri 18:7 ပူးပေါင်းရင်းမြစ်များ

Higiriiri 34:16

Masara Ma Jou o Yawe walawana onangika abe yotobadiai itotorou. De manga ade-ade Una ahao waofi o dunia ma lokuoka, De ka hiadono o nyawa mata-mata manga hiningaino wakokiofi.

Higiriiri 34:18

De Una womahidutuku onangika abe manga hininga de ma huhaka, Ngaro manga huha ma dubuho hiadono yamao manga wowango iwederoka, Masara Ma Jou o Yawe wahioriki de wahihupu manga kangelaino gea.

Habaku 3:6

De abe ma oraha womatogumuku ai dodagioka de ma tonaka duru ikelu-kelu. De nako hiadono Una womalegaika dika o dutu ma nyawaika de ona duru iwimodongoka. De gea ngohi tamake o loku-loku abe duru ma dihirainohi naga to ena ma ngioka masara gea ka idadi ipelaka hiadono itoropa. Abe ma dodihiraka de Ma Jou Una wotagi-tagi o loku-lokuoka gea, masara naa de ko ipukuiyeokaua angamoi idadi hoka o dola ma tonaka abe itiaiika dika.

Matiusu 28:2

De ona ko yomahiadonuahi de naga idadi o tonaka ihikelu-kelu duru kohagiria. De gea ma tonaka ihikelu-kelu mangale ma titi nanga Baluhu idodutu ai malaekata womatengo o Horogaka de wauku woboa. De ma malaekata gea waluluika ma hakaru ma amo-amoko gea o lungunu ma bionoka de ahao wogogeruku ma hakaruoka gea.

Hidingoto 4:31

De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!

1 Korintusu 13:2

De ngaro ngohi ihilufungu de to Una ai kuaha hiadono ka idadi tahingahu o nyawaika Ma Jou ai hingahu ma demo, eko ngaro Ma Jou ai dogogono mata-mata ngohi tohiorikoka, de ngaro hiadono o tobahioriki mata-mata nagau ngohioka, ma nako o dora ko iwa ngohioka, gea ahi hiakunu mata-mata duru parahaja dika. Eko nako ngohi duru de ahi ngongakuoka hiadono o loku moi tahuloko enangika de ma loku gea imaturuuru o ngi moiikali. Ma nako ngohioka o dora ko iwa, ngaro ahi ngongaku hokogea ma amoko, ma, ngohi naa ko kia-kiaua.

Higalioli 32:22

Abe to Ngohi ahi hininga ma ngamoino de hoka o uku idadioka, de ma uku gea duru imahihora mata-mataika, ngaro hiadono dau o hone-honenge manga ngiuku masara imahiadono genanguku, de ma uku gea aolomo o dunia de to ena ma joro mata-mataika, de hiadono o loku ma timi-timiuku enangoo ma youkuoka.

Hihira 5:4

“Ma dihiraino, Ngona, Ma Jou o Yawe, nahihira o Isiraele ma nyawa, De ma oraha abe o Seiri ma ngioka nosobo nomihihira o Edomika, Nomihidotobiki o Edomo ma nyawa manga tonakoka de ikelu-kelu, Mia dodagi ma goronaka de nohikelu-kelu manga tonaka. De naa ma duru o dihangoka naga o lobi itoomu ma biri-birini, La o lobi-lobino nohipuraraha o awana koharikimi.