Higiriiri 18:3 - Ma Jou ai Demo-demo o Totobelohoka

³ Ho ngohi ma oraha ahi bodito taohana de taamo-amokiye o duduhunu tomagahoko Ngona o Yaweika, angamoi ka Ngona dika abe itiai nodafongo o higiriiri ngomi o nyawaino. De gea tomagahoko ipahaino de ahao nohiduhunu la ahi musu ko idadiuali ihihibodito.

Higiriiri 18:3 ပူးပေါင်းရင်းမြစ်များ

2 Samuele 22:4

Ho ngohi tomagahoko o duduhunu ahi Jou o Yaweiye, de Una wohiduhunu ho wohigoraka ahi musu manga hidee ma dorouoka de taino. Ho duru itaana abe ngone hihigiriiri Unangiye!

Higiriiri 55:16

Ngaro ngohi ahi hininga duru de ma huha ma dubuho, De masara tomagahoko Ma Jouika ma oraha ahi musu manga hidee la ihihibodito, De ngohi duru tohioriki Ma Jou o Yawe ahao wohihihupu o boditoino.

Higiriiri 91:15

De ma oraha o duduhunu yomagahoko de Ngohi totoihene ho taduhunu. De manga kangela ma goronaka de Ngohi naga onangoka tagoana, ho gea taduhunu la hiadono ona yolaku de ahao naga o horomati yamake utuino.

Higiriiri 91:2

Abe nako Unangoka nimanoa ahao ka idadi nitemo o Yaweika niato, “Ngona nodadioka ahi dadatoko ma ngi abe genangoka duru ko idadiua o bodito ihihikala! Ngona duru de ani bobuturungoka, ho ngohi ka idadi tomahitatoko Ngonaka! Ho ka Ngonaika dika tomahinganono, ahi Jou!”

Lukasa 1:71

De igoungu Ma Jou wonahingahu wato ahao wonaduhunu, La nanga musu ko idadiua inahibinaaha, De ona abe inadoha-dohata Una wonahihohe manga giamino.

Hidingoto 2:21

De abe ma oraha gea de onagona dika yomagahoko o duduhunu nanga Baluhu idodutuika, ona gea ahao waduhunu manga hohowonoka de aino.” Hokogea o Yoele wohitulihuku duru ma dodihiraka.’”

Himatoko 4:11

“Nanga Baluhu de nanga Jou. Nako hoka ngomi miahigiriiri o jou utuika eko o kia dika naga utuika, gea ngomi duru ko miataanua. Ngomi minihigiriiri Ngonaika angamoi Ngona dika Jou mata-mataika notulaada! De minihigiriiri abe ma titi ani mauino dika la gea notulaada de hiadono ani dulaada mata-mataika naga idadi. Ho gea ngomi kiani minihigiriiri Ngonaika! Mia horomati minihidoaka kiani Ngonaika! Ma titi ani kuahaino ho to Ngona ani romanga kiani mihilamoko! Nako Ngonaika dika minihigiriiri, gea ngomi duru miataana abe mia higiriiri ma hidumutu Ngonaika.” Hokogea ma dimono yamonaoko de yaiata manga higiriiri ma demo Unangika.