Higiriiri 18:20 - Ma Jou ai Demo-demo o Totobelohoka

²⁰ “Ma Jou womalega-lega ngohino de wamake ahi datoro ma totiai, ho Una wohihiowa de ahi utumu ma rorahai.

Higiriiri 18:20 ပူးပေါင်းရင်းမြစ်များ

Higiriiri 18:24

De naa Una womalega ngohino de wohimake ngohi totebini ai himangoka, ho Ma Jou o Yawe wohihiowa de ahi utumu duru ma rorahai.”

Higiriiri 24:4

De gea ka ona dika abe manga datorino de ko yahowonua, ona abe manga hininga ka itebi-tebini dika, ho ona ko yomahinganonua o popangaoika, de ko yoelu-elukua.

Yesaya 49:4

Masara gea Ngohi toihenino de topaluhu tato, “Masara ngaro tokarajaanga ma dubuho ma ka parahaja dika! Abe ahi gahauku ihupuoka de ahi karajaanga gea duru de ahi buturungu ma gahumu masara ma hasili duru ko kia-kiaua tamake.” De ngaro hokogea ahi hininga, masara tohioriki abe Ma Jou o Yawe ahao wohihibalaha de ma hibalaha abe duru itaana, abe Una ahao wohihidoaka ma utumu hokokia dika imakiniiki de ahi karajaanga abe todiaioka.

Matiusu 6:4

De ahao ngaro o nyawa utu duru ko inihiorikua ma titi nia duduhunu gea abe niahidoakoka, masara ti ngini nia Baba Una gea ka idadi winihioriki, angamoi moioo ma ko iwa abe Una ko wamakeua. Ho Una gea ahao wamake de gea winihibalaha de nia hidoaka nginika ma titi nia datoro ma rorahai gea.”

1 Korintusu 3:8

De womatengo gea wotobadatomo de womatengoli gea wotobatuagi, ona yahinooto gea yomaketerimoi dika, abe ona yahinooto mata-mata Ma Jou ai duduhunu. De masara ahao manga utumu yomaketemomomoi Ma Jouino, angamoi ahao to ona manga karajaanga homoi-homoi watailako.

Ibarani 7:26

De abeika ngone hafikirohi to Yesusu ai hininga hokokia. Angamoi Una gea duru wotebi-tebini ho hiadono Ma Jou wisanangi Unangika, angamoi to Una ai hiningaka duru ko iwa ma dorou eko o howono o kia dika. De Una gea iwihikitingakoka ngoneino o howo-howono ma nyawaino, de ma oraha naa duru iwigorakiyeoka ho nako o Horogaka ma gogere mata-mataika, gea ka to Unangohi ai gogere duru ikurutiye. Ho o Yesusu ai wowangoino gea ka idadi ngone hohioriki de itararono abe Una dika ka idadi duru wonahingodumu to ngone nanga perelu mata-mataika.

1 Samuele 24:17

De witemoli wato, “Dautu, nako ngona de ngohi ka ngonahi ani datoro itiai angamoi ngaro ngohi ahi hidee ma dorou ngonaika masara ngona nomahibalaha de ma owa dika ngohino.