Higiriiri 18:14 - Ma Jou ai Demo-demo o Totobelohoka

¹⁴ De ahao Una wodiai la o leletongo idadi, de gea wohidumutu ma leletongo imaketero hoka o hihiipi wohitoimika. ho ma musu ona wahililifanga hiadono ona mata-mata yomahikabarihoka.

Higiriiri 18:14 ပူးပေါင်းရင်းမြစ်များ

Habaku 3:11

De abe ma oraha nohidingoto ani leletongo de duru ipalesaholi itagi ma dumutika abe imaketero hoka o hihiipi ma palesa. De to ena ma dararono duru itararonoholi. De gea tamake ma wange de ma mede imatogumuku dika ma dodagioka ho ko itagiokauahi.

Gegetongo 24:8

“Ona ma dihira o Mesiiroka masara Ma Jou wahihupu ona o Mesiirino, Ho manga buturungu gea hoka o fuhuku ma hapi, gea yamake Unangino. O nyawa ngaro o dutu onagona dika ma ufa yatualono o Isiraele ma nyawaika, Angamoi ona ahao yahimataka o nyawa abe yalawana de yahikangela, Manga kobongo yatobi-tobikuku de yapake manga toimi onangika, De yatoimi de manga hihiipi hiadono manga badanga yawederoka.

Higalioli 32:23

Ho Ngohi ka ihikaika tahiboa o kangela ma ngoe ahi nyawaika, abe gea hoka tatobatoi-toimi onangika hiadono ahi hihiipi tohikiditokoka.

Higalioli 32:42

De ahi humaranga hoka aolomo ahi musu manga roehe, de nagali ahi hihiipi mata-mata abe ahao duru yopehaka de manga awunu. Abe ma awunu gea naga utu ihupu manga badangino abe yataokinoka, de utu yohone-honenge manga badangino, de utuoli ahi musu manga baluhu wokokurutiye ai awunu.

Yosua 10:10

De Ma Jou o Yawe wahikapusaka manga musu gea, ho o Isiraele ma nyawa yahohonenge ko manga ngoe o Gibeonoka. De ahao ona abe ka yowangohi yoara de yaniiki ma ngekomo abe ma dumutu o Betehoronika, masara o Isiraele ma nyawa yanii-niiki onangika de utuohi yowoe yahohonenge o ngekomoka gea. Abe yanii-niiki ka hiadono o Aseka de o Makeda ma ngi-ngiika.

1 Samuele 2:10

Ona abe iwilawana Ma Jou o Yawe Wokokurutiye ahao wahibinaaha, De Una ahao walawana onangika de o kokuruuhu ma amokiye. De o dunia ma nyawa mata-mataika ahao Ma Jou o Yawe watailako, De Una de ai kuaha ahao wahohowono ona abe iwilawana. Naga womatengo abe ahao duru womadingaka Unangika, De Ma Jou wihidadi ai koano de ai dodunguu abe womadingakoka, De ai koano gea ai buturungu Ma Jou wahimatoko o nyawa mata-mataika, Hiadono ona iwihikurutiye de o lolaku ma higiriiri.” Hokogea o ngo Hana ami niniata ma demo abe idadi ami higiriiri Ma Jou o Yaweiye.