Higiriiri 18:13 - Ma Jou ai Demo-demo o Totobelohoka

¹³ De nagali abe yokuruuhu daku Ma Jou o Yawe ai ngioka de aino, de gea tanu Una abe Wokokurutiye ai ilingi toihene.

Higiriiri 18:13 ပူးပေါင်းရင်းမြစ်များ

Higiriiri 104:7

Masara ka de Ngona nohuloko o ngoo-ngootika gea de imahikabarihi, Abe Ngona nohiboa o kuruuhu de ma koroongo kohaamokiye, De imaketero hoka o ngoo-ngooto yomodongo enangika ho iloara.

Higiriiri 11:6

Ho wadopuraraha onanguku abe ka idadi yahibinaaha. Wahidopuraraha de o uku de o uba itoka-tokara, De gea wahidataloko onangika de o hidaloko kohahauku. Hokogea manga dohata ma hasili yamake!

Huhupu 20:18

Ka de o nyawa mata-mata gea yoihene ma kuruuhu de o guguli ma ilingi kohaamokiye gea, de yamake o leletongo de ma loku yahawoka de o nofo hokogea, de duru yokokihawana ka hiadono yokokifafara ho yomatingaka ma gurutika.

Huhupu 9:24

De naga o leletongo ma jaanga imakasapuru de o es ma awana ho ka ma moi wohidopurarahuku. Ho igoungu, ngaro ma dihirainohi abe ahao o Mesiiri ma nyawa yomahipareta ka hiadono ma oraha gea, masara ko ma moiuahi abe ona yamake o es ma awana hokogea ipurarahuku duru kohagiria manga tonakuku.

Habaku 3:5

De abe ma oraha Una ai dodagi ma goronaka woboaino de wohiaturu la naga o panyake enangoo itagi de akorona ai musuika. De ngaro ai poretino masara nagaoo o gogama ma dorou iwihidoduruino.

Yohanese 12:29

De o nyawa ko manga ngoe genangoka utu yotemo ato, “Yokuruuhu!” De utu ato, “Koua, ko yokuruuhua, gea o malaekata witemo Unangika.”

Higalioli 32:24

Ho gea ahao ona o hafini ma amoko yadaene onangika, de o gogama imahihora-hora onangoka hiadono naga manga odiri ilamoko, de nagali tohidingoto o fuhuku ma aewani la agoli-goli onangika, de o aewani abe imalia-liara ma tonakoka de naga de ma bihaka, enangoo yagoli onangika.

Yosua 10:11

De abe ma oraha ona yoara manga gogiriaka o Betehoronoka de yauku ka hiadono o Asekauku, Ma Jou o Yawe wadopuraraha de o es ma awana duru ikiria ma dihangoka de auku onanguku. Ho nako hahidotelega manga ngoe abe o Isiraele ma nyawa yahohonenge de manga humaranga de manga ngoe abe yohonenge ma titi o es ma awana, masara ka onangohi yowoe abe o es ma awana yahohonenge onangika.

Himatoko 19:6

De gea ipaha de ahao ngohi toihene o ilingi moi duru ma amokiye, abe marai ma ilingi gea hoka o nyawa ko manga ngoe manga hagaaga ma ilingi eko marai hoka o moku-moku ma ngoe ihohe ma koroongo, ekola marai hoka yokuruuhu duru ilamokiye de yoliarika ma ilingi. De gea ma ilingi ma demo toihene itemo ato, “Haleluya! Hihigiriiri nanga Baluhu idodutu de nanga Jouika! Una ngaro mata-mataika ma ka Unangohi duru de ai kuaha kohaamoko! Hihigiriiri Unangika angamoi naa womulaengoka la o dunia duru wahipareta!

Himatoko 4:5

De to Una ai kaderaka de aino naga ihupu o leletongo de gea ma ilingi hoka yokuruuhu yoliarika. De ai kadera ma himangoka naga o oboro tumidi itokara, de ma oboro gea ena Ma Jou o Womaha abe ko wokurangua ma duru wongodu-ngodumu.

Himatoko 8:5

De gea ipaha de ahao ma malaekata gea wale o ngaboho o huhuba ma ngioka de wohiomanga ma ngi gea abe de ma manyanyioka abe naga ai giamoka. Ho gea ma ngi aomangoka de ahao una waumo dau o duniauku. De gea ka de waumo de ahao naga o kuruuhu ma ilingi, de naga o leletongo, de naga ma tonaka ihikelu-kelu.

1 Samuele 7:10

Abe ka de o Samuele womulaenge waharongo manga huhuba iharo-harongo gea de o Filistina ma nyawa yomahiadonoka yomahidiaioka yaparangi. De ma gogiriaka waharongo de itodokanino Ma Jou o Yawe daku o Horogauku wotemo de ai ilingi ma kuruuhu duru kohabuturungu. De Ma Jou ai ilingi hoka o kuruuhu ma amokiye ho ka de gea yoihene de o Filistina manga tentara manga hawana yahifafara ho duru yahikapusaka hiadono igapanga o Isiraele ma nyawa yaparangi onangika ka hiadono yahikala.