Higiriiri 18:12 - Ma Jou ai Demo-demo o Totobelohoka

¹² De Unangoka naga ai dararono abe ihitawange aika aino. De o leletongo ihupu Unangino de yadaene dau ma duniauku.

Higiriiri 18:12 ပူးပေါင်းရင်းမြစ်များ

Higiriiri 104:2

De o dararonino abe duru kohamodararono nohidadi ani baju ma guru-gurutuku. De o dihanga de ma muru-murumu nohiwoata imaketero abe hoka o tau o ngoerino hohiwoatika, Hokogenangoli nomahidiai to Ngona ani gogere daku duru kohagurutiye.

Huhupu 19:9

De ka de wodoaiyeoli de Ma Jou o Yawe wihitodokanika o Musaika wato, “Abeika, Ngohi ahao touti ma lokuku naa de tomahihawoino de o lobi duru kohabirini de ahao Ngohi totemo-temo ngonaika de noihene ka o lobi ma goronaino dika ahi ilingi ihupu. De hokogea taamo-amokiye ka hiadono onangoo dau ma timiuku ka idadi yoihene ahi ilingi. Hokogea tomahimatoko de tonitemo de onangoo yokokiihene de ahao ngonaikaoo ona iningaku ka hiado-adonika.” Hokogea Ma Jou wotemo ibooto de ahao o Musa wihingahu Ma Jou o Yaweika o Isiraele ma nyawa manga behehongo gea.

Matiusu 17:2

De yomahiadonoka genangiye de ona yaruange iwilega-lega o Yesusika de to Una ai rupa idadi o fara moioli to ona manga himangoka. Abe to Una ai himanga yamake ngade-ngade imaketero hoka o wange ma dararono angamoi duru kohadararono. De ai pakeanga gea idadi duru iarehoka ho hiadono hoiletongo.

Matiusu 17:5

De o Peturusu wotemo ai gogiriaka de o lobi moi ma dararono yakokihawoka. De ahao Ma Jou wotemo de yoihene o lobioka de auku o ilingi abe wotemo wato, “Naa to Ngohi ahi Ngofaka abe duru tidora Unangika de duru tisanangi Unangika, ho kiani ngini niwihigihene Unangika.”

Yosua 10:11

De abe ma oraha ona yoara manga gogiriaka o Betehoronoka de yauku ka hiadono o Asekauku, Ma Jou o Yawe wadopuraraha de o es ma awana duru ikiria ma dihangoka de auku onanguku. Ho nako hahidotelega manga ngoe abe o Isiraele ma nyawa yahohonenge de manga humaranga de manga ngoe abe yohonenge ma titi o es ma awana, masara ka onangohi yowoe abe o es ma awana yahohonenge onangika.

Himatoko 16:21

De nagali idadi o es ma awana ma dodogowini ipurarahuku dau o dunia ma nyawauku. De gea o es ma awana duru kohaago-agomo de duru ma dodubuho, abe amomoiika ma dubuho ngade-ngade o kilo moruata. De gea o nyawa yamao duru itubuhoholi manga kangela gea abe yadaenoka, ho hiadono ona iwidoa-doana de iwingelo Ma Jouika.