Higiriiri 16:10 - Ma Jou ai Demo-demo o Totobelohoka

¹⁰ De Ngona, ahi Jou, naa moi ngohi duru tohioriki de tongaku, Abe ma oraha tohonenge de ngaro ufa ngohi tohawana, Angamoi ko nohihigunoaua tomanoa o honenge ma ngiika ka hiado-adonika. Imaketero hoka Una duru Wotebi-tebini abe nomadingakoka, Unangoo ko nihigunoaua la ai honenge iwedere o lungunu ma goronaka.

Higiriiri 16:10 ပူးပေါင်းရင်းမြစ်များ

Higiriiri 139:8

Angamoi ngaro toiki ma dihangiye ma Ngona naga, eko dau yohone-honenge manga ngiuku towohamoka, masara Ngona naga genangokaoo.

Gegetongo 6:6

De Ma Jou wihingahu o Musaika ai hiaturu moioli onangika abe ko idadiua o Nasiri ma nyawa yomahitigi o nyawa manga honengika ka hiadono ma oraha manga behehongo Ma Jou o Yaweika yabooto.

Lukasa 1:35

De o malaekata womihingahu munangika wato, “Ko hokogenangua ma ngekomo hiadono o ngofaka gea namake. Masara Ma Jou o Womaha de ahao woboa ngonauku de ai kuaha ho gea Ma Jou Wokokurutiye wonihidadi la ahao ani ngofaka o nauru namake. De gea ma titi hiadono ani ngofaka wotebi-tebini de iwihiromanga Ma Jou ai Ngofaka.

Lukasa 16:23

Masara wokaya-kaya to una ai jiwa naga o Naraka ma goronaka de duru wokangela ma titi duru kohahauku. De ahao una womamatagaiye de wamake o Abarahaama abe ko ai gurutika de o Lasarusu unangoo genangoka o Abarahaama ai datekoka.”

Lukasa 4:34

“Adoo! Ngona o Yesusu abe o Nasaretoka de naino noboa, Ngona ka o kia nodiai ngomino? Bote Ngona nato adonoka ma oraha la nomihibinaaha ngomi naa? Abe ngohi tonihioriki Ngona gea o Debi-debini ma nyawa abe Ma Jou wonihidingoto naanguku!”

1 Korintusu 15:42

De imaketero hoka ma rupa mata-mata gea imakokohowono eko ma dararono de ma hailoa imaketemomomoi, hokogea de o momomiki. Abe to ngone nanga badanga ma oraha naa naga duru imakohowono de duru o fara moi de to ngone nanga badanga abe ahao Ma Jou wonahidoaka ma oraha abe wonahimomiki. Angamoi naa nanga badanga ka ihonenge ka hiadono ikorofu. Masara ahao ma oraha Una wonahimomiki de nanga badanga gea duru ko ihonengokaua ka hiado-adonika.

Higalioli 32:22

Abe to Ngohi ahi hininga ma ngamoino de hoka o uku idadioka, de ma uku gea duru imahihora mata-mataika, ngaro hiadono dau o hone-honenge manga ngiuku masara imahiadono genanguku, de ma uku gea aolomo o dunia de to ena ma joro mata-mataika, de hiadono o loku ma timi-timiuku enangoo ma youkuoka.

Himatoko 1:18

De Ngohi naa totobawango. Abe Ngohi nengokadau tohonengoka masara abeika Ngohi naa towangokali naa de ka hiado-adonika! De Ngohioka naga o hohonenge ma kuaha, de gea Ngohi tahikoano onangika abe yohone-honengoka, la nako ona ihihononga yohonenge ekola Ngohi tahimomiki manga honengino, ma gea ma kuaha Ngohioka.”