Higiriiri 127:1 - Ma Jou ai Demo-demo o Totobelohoka

¹ Nako o nyawa manga tau ihigoko, masara gea ko imakiniikua de Ma Jou o Yawe ai mau, gea ka parahaja dika manga tau yomadiai. De hokogenangoo nako Ma Jou o Yawe ko ai hiningaua la wogoana o kota moi, ngaro naga de manga gogoanoka masara ko idadiua yaduhunu o kota ma nyawaika.

Higiriiri 127:1 ပူးပေါင်းရင်းမြစ်များ

1 Kokoano 5:12

Ho ma koano yahinooto gea yomakao irahai de hiadono yomahiketehibehehongo ato ko idadiua yomaketeparangi. De ahao Ma Jou o Yawe wihiakunu o Saloomo de o sosawaro duru ma amoko abe imaketero hoka wihibehehongoka unangika.

1 Tawari 28:10

Ho ngona ahi ngofaka o Saloomo abe ngona ma oraha naa nomulaenge abe Ma Jou ai Tau nodiai de kiani duru nomahisosoika Ma Jou o Yaweika abe Una woniiriki ngona la to Una ai Tau gea nohigoko. Ahi ngofaka, nomahiputurungu nokarajaanga de ani magawe!” Hokogea o Dautu ai behehongo ai ngofaka o Saloomoika.

1 Tawari 28:20

De ahao o Dautu wohigalioli wihingahu ai ngofaka o Saloomoika, wato, “Ahi ngofaka, kiani nomahiputurungu de duru nototomoroini! De ngaro ufa ngona nohawana ngaro o kia naga ahao idadi de ufa ani huha ilaku hiadono ani hininga ietekoka angamoi Ma Jou o Yawe, abe to ngohi ahi Jou, Una ka ihikaika naga ngonaka. Una ko wonihigunoaua la ngona nokala o karajaanga ma amoko naa ma goronaka. Una woniniiki de woniduhunu ka hiadono ani karajaanga naa nabootoka abe ma titi Ma Jou o Yawe ai Tau nodiai. De Ma Jou wonihisawaro la nahiaturu itiai ona iwitobaleleani manga leleani ma dodagi.

1 Tawari 29:19

De ahi ngofaka naa o Saloomo una tigahoko la unangoo niduhunu, To unangoo kiani naga ai igo la wonileleani de ai hininga ma gahumu. Ka ihikaika o Saloomo niduhunu la una woigo wonihingounu, La una duru waniiki itiai ani behehongo, de ani pareta, de ani hiaturu. Una duru tigahoko la niduhunu wohigoko to Ngona ani Tau, Abe hoka ngohi naa ma dekanino nohiduhunu de ani Tau ma hidiai. Ho genangika dika aika ahi gogahoko Ngonaika ahi Jou.”

Higiriiri 121:1

Ngohi tomamatagaiye de tomalega o loku-lokuiye de tomaleha, Sarakia, genangoka de aino ahi duduhunu ma titi?

Yesaya 56:10

Angamoi Ngohi o Yawe ahi nyawa manga hohidimono abe yodadioka to ona manga gogoana, ma hohidimono gea yorafi-rafioka ho ko yamaokaua o bodito iboaino. Ona gea yomaketero hoka o kaho imou-mouoka ho duru ko iroa-roangua. Ona yosanangi yomaidu-idu dika hiadono yakiookoka de yotobabuluhara.

1 Korintusu 15:14

De nako hoka igoungu o Kristusu ko womomikua, gea to ngomi mia hingahu ka o ngeluku dika de ka parahaja dika. De gea ti ngini nia ngongakuoo duru ka parahaja dika.

1 Korintusu 3:7

Ho gea ngaro womatengo wotobadatomo eko ngaro womatengoli wotobatuagi, ma, ona gea ko kia-kiaua de ko yokurutiyeua. Masara ka Ma Jou dika, Una gea wokokurutiye, ho ma datomo gea Una dika wohifero-fero.

Galatia 4:11

De gea ma titi ngini nia hininga irehe-rehenoka hiadono ngohi ahi hininga ihawanoka tato done ahi karajaanga ma amoko abe nginioka, gea done ka parahaja dika. Angamoi nako ngini ko nianiikokaua o Abari ma Rorahai, gea ka parahaja dika ahi karajaanga abe ma dihiraino genangoka.

Yosua 2:2

Masara naga o Yeriko ma nyawa abe yamake yahinooto gea de yoiki manga koanoika de iwihingahu unangika ato, “Marai o futu naa naga o Isiraele ma nyawa to ngone nanga kota ma goronaka yowohaminoka! Marai nanga tonaka yatailako la ka idadi inahioriki nanga buturungu.”