Higiriiri 121:5 - Ma Jou ai Demo-demo o Totobelohoka

⁵ Una Ma Jou o Yawe winitobagoana nginika, abe Una nia datekoka de winifofonguku la ufa o wange ma hauku iniruwae.

Higiriiri 121:5 ပူးပေါင်းရင်းမြစ်များ

Higiriiri 16:8

Ngohi ka ihikaika ahi hininga ma dumutu Ma Jou o Yaweika, De ngohi duru tihioriki abe Una ka ihikaika naga ngohioka, De angamoi Una duru womahitigino ngohino, Hiadono ngaro o kia dika naga idadi ahi himangoka, Ngohi ko todomo-domoua angamoi tingaku Unangika.

Higiriiri 91:1

Koaho ngini nimahitatoko Ma Jou Wokokurutiye ai timiuku, de irahai la ngini nimanoa Una Wokokurutiye ai fofongoka.

Huhupu 13:21

De manga dodagi ma goronaka Ma Jou o Yawe ka ihikaika naga onangoka. De Una hoka womahihawo de o lobi ma lou la gea o Isiraele ma nyawa iwihikokioriki Una gea wahihira-hira. De ngaro o wange-wange eko o futu-futu ma ona ka idadi iwinii-niiki ai poretino. De angamoi nako o futu-futu o lobi ma lou gea idadi hoka o uku ho yahitararonuku la ka idadi yomahioriki yotagi-tagi. Ho ngaro o futu-futu eko o wange-wange ma ka idadi o Isiraele ma nyawa yogila-gila.

Matiusu 23:37

De ahao o Yesusu wotemoli o nyawa yowoe-woeika wato, “Hiokoo ngini o Yerusaleeme ma nyawa naa! Angamoi ngaro Ma Jou wahidingotoka ai nyawa manga ngoe nginika abe utu ai uru ma dodofanga de utuoli ai abari ato inihingahu nginika, masara ona gea ngini niatomaka. Abe utu onangino ngini niahakaru onangika ka hiadono yohonenge. Ho gea inihitaana abe ngini niaoluku Ma Jou ai demo nginika. De ngaro ngini nia hininga hokogea masara Ngohi naa ma ngoe toigo tapake ahi hininga ma dora nginika masara Ngohioo nihioluku. De gea tonahiketero abe Ngohi hoka o kuru-kuru ma mayo abe yoigo atoomuino to ena ma ngofa-ngofaka ma gafuufu ma timiuku la duru imahidutuku ma mayoika. Masara ngini naa nioluku niboa Ngohino.”