Higiriiri 11:5 - Ma Jou ai Demo-demo o Totobelohoka

⁵ Ho Ma Jou o Yawe watailako de wahitaana o totiai ma nyawa manga hininga, De ona yotobatualono onangoo watailako de wahitaana, De wadohata onangika mangale manga datoro ma dorou, Abe ka ihikaika o nyawa yahikangela de yatoma.

Higiriiri 11:5 ပူးပေါင်းရင်းမြစ်များ

Dodadi 22:1

De ipahaika Ma Jou o Abarahaama ai ngongaku wataili. De hokonaa ma ade-ade: Ma Jou wiahoko wato, “Abarahaama!” De o Abarahaama wopaluhu wato, “Ngohi naga nenangoka.”

Higiriiri 139:1

Ngona, Ma Jou o Yawe, gea nohitailakokau, ho duru nohihioriki ngohi naa.

Maleaki 3:3

Ho Una woboa nginika de ai karajaanga hatoli hoka o nyawa abe yahikatingaka ma ioko o haakaino, ho gea ai karajaangino de Una wahitebini o Lewi ai totoforauku hiadono ona yotebinoli imaketero hoka o gurasi de o haaka abe duru iree-reeika dika. De wahitebini ibooto de ahao ona ka idadi yomahihuba o huhuba Ngohi o Yaweino abe ihihisanangi.

Yakobusu 1:12

De o nyawa onagona dika abe ngaro o kokangelaika yaohana masara ka yomatongohono ma titi manga ngongakuoka, onangika gea ahao Ma Jou wahiowa. Angamoi ona gea yomahitaanoka abe ngaro de o kangela yahitaili onangika masara gea yagou-goungu iwingaku Unangika. Ho ahao Una wahiowa onangika de manga hadia o wowango ma ngangoino ka hiado-adonika. De ma hadia gea ma dihirainohi de wonahibehehongoka ngoneino onagona dika abe hidora Unangika wato gea ahao wonahidoaka ma titi nanga dora Unangika.

1 Peturusu 1:7

De nia kangela gea naga de ma dumutu la ahao ma oraha nia baha adonoka de itararono abe nia ngongaku duru ireeika. Abe ma titi ngaro ma oraha naa de o kokangela nioborihimanga nia wowangoka, masara ko inihikalaua genangino. De nia dongohono gea inihitaana abe nia ngongaku duru ilaku nia hiningaka. De abe o kokangela yataili nia ngongakuika, gea ngade-ngade imaketero hoka o nyawa yataili o gurasi o ukuika. Angamoi ma bahauku abe ataili ipaha de duru itararono ma gurasi gea o gurasi dika ireeika. De hokogenangoo de ti ngini nia ngongaku abe o kangela ataili ipaha de itararono abe nia boringongaku ka ireeika dika de ko ikalaua. Masara nako o gurasi de ti ngini nia ngongaku, gea ka nia ngongakuohi abe duru ikurutiye Ma Jou ai himangoka. Abe nako o gurasi gea ika-ika de ahao ko iwaka ho ko itongohonua masara nako nia ngongaku hokogenangua, angamoi nia boringongaku gea itongohono ka hiado-adonika. De mangale ma titi nia ngongaku ireeika, gea ka idadi nihioriki abe nia utumu genangino ahao niamake ma oraha o Yesusu Kristusu womahimatokoli o dunia mata-mataika. De nia utumu gea naga o fara muruono ahao niamake. Abe naga moi, ahao inihigiriiri nginika, de nagaoo abe niamake ti ngini nia medebini ma dararono de nagali nia horomati abe niamake ma wangeoka gea. De nia utumu gea ma titi moioli hiadono koaho hihigiriiri Unangika.

1 Peturusu 4:12

Ahi gogianongoru abe duru tinidora nginika, ufa ngini niheranga abe ma titi ngini naga o kangela ma dodubuho ma goronaka. De tanu ngaro ufa niheranga nako idadi abe inihikangela nginika. Angamoi nia kangela gea tanu idadioka o hitaili nia ngongakuika abe hoka yatailako de ihiputurungu nia ngongakuika gea.