Higiriiri 11:4 - Ma Jou ai Demo-demo o Totobelohoka

⁴ Ho naa ngohi tinihihohininga nginika, Abeika, Ma Jou o Yawe naga ai ngi ma debi-debinoka! Una Ma Jou abe ai gogogere daku o Horogaka. Una womalega ngoneuku de ko iwa moi abe ko wamakeua, O nyawa mata-mataika ka ihikaika wonatailako de wonahioriki.

Higiriiri 11:4 ပူးပေါင်းရင်းမြစ်များ

Higiriiri 103:19

Ma Jou o Yawe womaputuhu daku Una wogogere o Horogaka, Genangoka ai kadera de wahikoano ai dulaada mata-mataika.

Higiriiri 139:23

Ngona ahi Jou, ngohi togahoko la ahi hininga duru natailako, gea nataili la nohioriki ma huha abe igogere genangoka.

Higiriiri 18:6

Ho ahi kangela ma goronaka de o duduhunu tomagahoko o Yaweika, abe to ngohi ahi Jouiye ahi gogahoko idoaiye. De Una gea daku ai Tau o Horogaka de wohigihene, ho Una wohibaluhu ahi gogahoko de wohiduhunu ngohi!”

Higiriiri 2:4

Masara Una abe wogogere daku manga demoika gea wogiete, Una Ma Jou wogiete angamoi ai kuaha mata-mataika Ho ngaro manga hininga hokogea masara, wato ona ko kia-kiaua.

Higiriiri 33:13

Daku o Horogaka Una naga wonalega-lega ngoneuku, abe ka idadi wonamake ngone mata-mata.

Sosawaro 15:3

Ma Jou o Yawe ai lako idamaana o kiaika dika, ho ngaro o dorou ma nyawa de ngaro ona yotobadiai ma rorahai, masara Una ka ihikaika wonalegauku ngone mata-matauku.

Habaku 2:20

Masara nako Ma Jou o Yawe Una wagou-goungu naga ai Tau ma debi-debinoka. Ho koaho o dunia ma nyawa mata-mata yomarii-riidoka to Una gea ai himangoka.’”

Matiusu 23:21

De nako o nyawa yomahibehehongo de o koboto, de manga koboto ma demoino de yofetongo Ma Jou ai Tau, gea tanu imaketero hoka iwifetongoo Ma Jou abe womanoa genangoka, angamoi gea ko imakohowonua.

Matiusu 5:34

“Masara Ngohi tato koaho ufa ngini nimahibehehongo de o koboto. De igoungu utu yodotoko ato ka idadi niapake de o koboto ma demo iti ufa Ma Jou ai romanga niapake. Masara nako nihibehehongo de o koboto de nia koboto ma goronaka de nifetongo o Horoga, gea ka imakadaene dika abe nako nifetongo Ma Jou ai romanga angamoi o Horoga gea to Una ai kuahaka ma kadera ma ngi.”

Hidingoto 7:49

‘Ahi kuaha ma kadera ma ngi gea o Horoga, De o dunia gea ka ma eteteke dika abe hoka ahi lou ma hiaini ma ngi. Ho ngini done sarakia de niato ka idadi nihidiai ahi tau moi la ihiwedono? Duru ko idadiua! De o gogere hokokia ma rupa abe ngini nihihidoaka Ngohino?

2 Tesalonika 2:4

De ngaro o pangao eko naga o jou utu eko naga o kia dika abe o nyawa yomahijou enangika, ma, gea mata-mataika una gea ai wowango itotorou duru watobalawana de wahitipokouku de gea wato ka unangohi ma hirete wokurutiye. De gea una duru womagorakiye hiadono wogogere Ma Jou ai Tau ma goronaka de ahao o nyawaika womahingahu-ngahu wato, “Ngohi naa Ma Jou.” Ho nako hokogea una womahimatokoka de nagali abe o nyawa ko manga ngoe duru iwilawana Ma Jouika, gea kiani idadiokau de ahao ka idadi nanga Baluhu idodutu ai Gahe ma wange iboa.

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.

Himatoko 4:2

De ma demo gea ka de toihene ibootino de ihilufungoli de Ma Jou o Womaha ai kuaha. De gea ngohi tamake o kadera ma hohailoa naga imanoa o Horogaka, de naga Womatengo wogogeruku ma kaderauku.