Higiriiri 106:7 - Ma Jou ai Demo-demo o Totobelohoka

⁷ Ahi gogianongoru naa kiani nitotoihene nanga totofora manga ade-ade, Ma dihira abe nanga totofora o Mesiiri ma tonakokahi de ko yomangaratiiuahi, Ngaro yamake abe Ma Jou o Yawe wodiai o heheranga ma ngoe, Ma, ko itedekanua de ona yawohangoka ai duduhunu abe ai doraka de aino. Ho ngaro to Una ani dora ma hiokoo wagopoa onanguku, Masara ona ka iwilawana dika o Bongo-bongo ma gahi ma datekoka, Una Ma Jou Wokokurutiye de abeika ona ka idadi iwilawana.

Higiriiri 106:7 ပူးပေါင်းရင်းမြစ်များ

Higiriiri 105:5

Ahi gogianongoru gea abe Ma Jou wodiaioka ngone kiani homahihohininga. Ma rorahaiholi mata-mata abe wodiaioka la wonaduhunu. De homahihohiningaoo abe ai heheranga de ai hohowono o nyawaika.

Higiriiri 106:45

De Ma Jou womahihohininga ai behehongika abe wahibehehongoka, Abe ma dihira wato, “Ngohi ahi nyawa tapaliara ka hiado-adonika,” Ho ai hohowono gea ko wohigila-gilaua angamoi ai dora onangika ko itoakua.

Higiriiri 51:1

Ngohi naa tomagahoko Ngonaika Ma Jou la nomalega ngohino de ani dora ma hiokoo, Tomagahoko la Ngona naniiki to Ngona ani dora abe duru ko itoa-toakua, Ahi howono Ngonaika ma ngoe masara ani dora ma hiokoohi duru ilamoko, Ho gea ena Ma Jou napake la ahi howono gea nohiapongo.

Sosawaro 1:22

“Ei, ngini initotopongonoka ma totiaiika! De abeika nginioo abe duru nitobahohedu, hokokia ma dekanohi niatobahohedu o nyawaika la nia sosanangi niamake o hohedu ma demoino dika? Ho muruonoka de nitoba nia hohedu ma demoino gea? De hokokia ma dekanohi nia hininga ma lawana itagi o tobahiorikika ho hiadono ngohi o ngo Sosawaro ahi dodotoko niaoluku? Marai ngini duru ka niosanangi dika nigogere nia bodo ma goronaka e?

Maruku 4:12

De hokogea tadotoko de o hiketero ma ade-ade la idadi imakadaene hoka ma dihiraino Ma Jou wotemoka wato, ‘Ona gea ngaro ihigali-gali yolega ahi datorino masara ko ihiorikua ma titi genangino, de ngaro ona ihigali-gali ihigihene ahi demoino masara ko ihiorikua ma titi, angamoi nako ihioriki done yotoba de manga howono Ma Jou waofi.’”

Efesusu 2:11

De abe ngini ko o Yahudi ma nyawaua, abeika nimahohininga abe ngini hokokia ma dihiraino. Abe ma oraha gea o Yahudi ma nyawa iniemono nginika angamoi ngini inietongo ko o huhuna ma nyawaua. De nako ona o Yahudi ma nyawa, ona gea yomagoraka abe ma titi ona yomahunaka ho yamao abe ona yororahai dika Ma Jou ai himangoka. De gea ngone hohioriki abe o huhuna gea o nyawa manga giama dika ma karajaanga abe yodiai manga badanga ma poretino de gea ko yaduhunua manga hiningaika. Masara ona gea ato bote yaduhunu ona Ma Jou ai himangoka la wasanangi onangika, de gea ho hiadono ona yomagoraka.

Higalioli 29:4

De ngaro ma oraha gea hiadono ma oraha naa naga masara Ngohi ko tinihidoakuahi o hininga la ka idadi niataoko ma titi genangino. De hokogenangoo ti ngini nia lako ko imahiorikuahi de nia ngauku ko iihenuahi!