Higiriiri 106:1 - Ma Jou ai Demo-demo o Totobelohoka

¹ Kiani ngone o nyawa hihigiriiri Ma Jou o Yaweika! De nanga hininga ma gahumu hotarimakase Ma Jou o Yaweika! De angamoi Una mata-mataika ai hininga ma owa! To Una ai dora ko itoa-toakua ka hiado-adonika.

Higiriiri 106:1 ပူးပေါင်းရင်းမြစ်များ

Esara 3:11

De ahao ona o Lewi ma nyawa mata-mata yonya-nyanyi Ma Jou o Yaweiye manga higiriiri ma titi to Una ai Tau ma lifunu yabootoka yodiai. De manga higiriiri ma demo itemo hokonaa: “Mata-mata Ma Jouoka de aino ma owa; De to Una ai dora o Isiraele ma nyawaika ka ihikaika itagi, De ngaro ka hiado-adonika, ko iwa ma bobaha.” Hokogea yonyanyi de ahao o nyawa mata-mata abe naga genangoka duru de manga garago manga higiriiri ihiboaka Ma Jou o Yaweiye.

Higiriiri 103:17

Masara Ma Jou o Yawe ai dora duru iwango-wango ka hiado-adonika, De ai dora gea naga onangoka abe de manga horomati ma modongoka Unangika. De to Una ai totiai itagi to ona manga ngofa-ngofakika, De imahikauku itagi hiadono to onangoo manga ngofa-ngofakuku.

Higiriiri 105:1

Ahi gogianongoru kiani de nanga hininga ma gahumu hotarimakase Ma Jou o Yaweika! To Una ai romanga duru hohiboa-boakiye la Una higorakiye! To ngone nanga karajaanga hahingahu-ngahu o dunia ma amokika ma titi Una, La o nyawa o tonaka mata-mataika iwihioriki gea abe Una wodiai.

Higiriiri 105:45

De mata-mata gea Una wohiaturu la ka idadi yamake ai duduhunu onangika, Abe hokogea idadi de ona yosanangi yaniiki to Ma Jou ai mau, De to Una ai mau la ai popareta de ai behehongo onangika ihikokihingounu. Ho naa ngone kiani hihigiriiri Ma Jou o Yaweika!

Higiriiri 107:1

Kiani ngone o nyawa hihigiriiri Ma Jou o Yaweika! De nanga hininga ma gahumu hotarimakase Ma Jou o Yaweika! De angamoi Una mata-mataika ai hininga ma owa! To Una ai dora ko itoa-toakua ka hiado-adonika.

Matiusu 19:17

De o Yesusu wipaluhu unangika wato, “Gea ani demo ma goronaka de nohileha ma datoro ma rorahai nato o kia. Masara naa tonileha ngonaika, done ma titi o kia ho hiadono ngona nohileha Ngohino ma titi ma rorahai? Angamoi bote ngona nohiorikoka abe Ma Jou ka Una dika ai hininga ma rorahai, ho koaho to Una ai demo dika nanii-niiki. Ho Ngohi ka idadi tapaluhu ani leleha gea de tonihidumutu ai demoika abe ka Una dika ai datoro irorahai. Abe ma titi nako ngona noigo o wowango namake ka hiado-adonika Unangino, gea kiani natobaniiki to Ma Jou ai Paretaika.”

1 Tesalonika 5:18

de ngaro o kia dika niohimanga ma gea kiani ka ihikaika nitarimakase Ma Jouiye. De hokogea kiani ka ihikaika nidiai angamoi hokogea Ma Jou ai mau ngone mata-mataino abe hogogere o Yesusu Kristusoka, abe woigo wato ngone ka ihikaika hotarimakase Unangika.