Higiriiri 103:7 - Ma Jou ai Demo-demo o Totobelohoka

⁷ De Ma Jou o Yawe ai hiaturu o nyawaika wohimatoko o Musaika, De wahimatoko o Isiraele ma nyawa mata-mataika ai hiowa onangika.

Higiriiri 103:7 ပူးပေါင်းရင်းမြစ်များ

Higiriiri 106:22

Igoungu, duru o nyawa yatomomonoka de manga heranga genangika, Abe Ma Jou wodiai o Haama ai tonakoka, de ka utuohi wodiai, Abe o Bongo-bongo ma gahino yoboa de yatomomonokali ai heherangika, Angamoi Una wotobadiai abe o nyawa duru ko yakunua yodiai hokogea.

Huhupu 19:20

De ahao Ma Jou o Yawe wotemo o Sinai ma tubuoka de wibehehongo o Musaika la wodoa dakuiye. Ho o Musa wodoa hiadono daku o loku ma tubuiye.

Huhupu 19:8

Ho ka de yoihene de ona mata-mata ka ma moiiye yopaluhu ato, “Ngomi naa duru miagou-goungu, abe ahao mata-mata Ma Jou o Yawe womihipareta gea mata-mataika mianiiki de midiai.” Hokogea manga behehongo Ma Jou o Yaweika ho o Musa ma lokuiye wodoali wao manga behehongo la ka idadi wihingahu Ma Jou o Yaweika.

Huhupu 20:21

Masara ona ko yomahitiginokaua ho ko manga gurutika yomatingaka. De o Musa una dika womahitigika o loku ma nofoika abe yahawoka gea duru idadioka o fufutu. De Ma Jou naga o fufutu ma goronaka gea.

Huhupu 33:13

Ho nako hokogea ngohi tonihisanangi toigo nohidotoko abe to Ngona ani mau la utuohi duru tonihioriki de toniniiki hiadono ka ihikaika tonihisanangi Ngonaika. De ngohi o nyawa manga ngoe naa onangoo tagahoko abe ona kiani nahininga abe Ngona nahidadioka to Ngona ani nyawa.” Hokogea o Musa womahingahu Ma Jouika.

Gegetongo 12:7

Masara hokogenangua nako Ngohi de ahi duduhunu ka o Musahi abe ai tagongo wao itiai hiadono tihitagongo de ahi nyawa mata-mataika.

Higalioli 34:10

De ngaro ma dihira de ka hiadono ma oraha naa de ko moiua Ma Jou ai uru ma dodofanga utu o Isiraele ma nyawa manga hidogoronaka abe to ona manga gogao Ma Jou o Yaweika hoka o Musali. Abe Ma Jou o Yawe de o Musa yomarihimanga de yomakoketemo.