Higiriiri 103:18 - Ma Jou ai Demo-demo o Totobelohoka

¹⁸ Iti onangoo ka ihikaika duru yaniiki to Una ai behehongo. De ona yahingounu to Una ai behehongo mata-mataika.

Higiriiri 103:18 ပူးပေါင်းရင်းမြစ်များ

Huhupu 19:5

Ho nako ngini nihihingounu de nianiiki ahi behehongo ahao Ngohi tiniiriki o nyawa mata-mataino abe naga o duniaka la ka nginiohi tinihidadi ahi nyawa abe tomahitongohi. Ho ngaro o dunia mata-mata to Ngohi ma, ka nginiohi tinigoana de ahi dora.

Huhupu 24:8

De ahao o Musa waleino o hapi ma awunu ma hononga abe nagahi de ena gea wahibarihi o Isiraele ma nyawa manga lokuino la ma awunu gea idadi to onangoo manga behehongo ma dodunguu. De wahingahu wato, “De naa ena ma awunu idadi o hitaana ma dodunguu. Abe Ma Jou o Yawe winihibehehongo nginika gea kangano tinibasa ibooto de nginioo niwihibehehongo Ma Jouika niato ai demo mata-mata gea nianiiki.” Hokogea o Musa wohibobaha manga huhuba de ai hitararono ma demo.

Sosawaro 3:1

Ahi ngofaka, abe ngohi tonidotoko ufa nawohanga abe kiani o dodotoko ma titi mata-mata gea ka ihikaika nagogono ani hiningaka.

Gegetongo 15:40

Masara ma hohininga gea nia bajuoka ka idadi iniduhunu la niohohininga ahi pareta ma demo de naga nia hingounu enangika hiadono nia wowango itebini Ngohi nia Jou ahi himangoka.

Matiusu 28:20

De nihidodiai niadotoko onangika abe ihinii-niiki la o huhuloko mata-mataika abe tinihulokoka nginika, gea mata-mata niadotoko la hiadono onangoo naga manga hingounu ahi huhuloko ma demoika. De abeika nitotoihene ahi demoino naa de ufa niawohanga, abe naa tinihingahu abe Ngohi ka ihikaika tininiiki nginioka. De ngaro ka hiadono o dunia ma bobahaika ma Ngohi ko tininoaikaua ma ka nagahi nginioka.” De hokogea o Yesusu ai behehongo iwinii-niikika. Hokogea dika aika ahi buku. Ngohi o Matiusu.

Hidingoto 24:16

De mangale ma titi ahi nganganono gea ho ngohi ka ihikaika tomaribuutu la ahi hiningaka de ko tahowonua, abe ngaro Ma Jouika de ngaro o nyawaikaoo masara tohitaili la tato ufa todiai o howono.

Higalioli 4:23

Ho ngini kiani duru nimahidodiai de nimagoana la ufa niawohangika ti ngini nia behehongo abe nimahiketehibehehongoka de Una. Abe duru ko idadiua ngini nimadiai ma rupa moi la nimahuba enangika, abe ngaro o kia dika ma rupa eko to onagona manga rupa masara gea mata-mata duru ko idadiua nimadiai angamoi hokogea winihulokoka.

1 Tesalonika 4:1

Ho naa, mia gogianongoru, ngomi minihibehehongo nginika. De gea nengokadau ma oraha ngomi nagahi nginioka de gea minidotokoka nginika abe hokokia kiani niwango la niwihisanangi Ma Jouika. De igoungu nengokadauinohi ngini naa nianiiki mia demo gea hiadono Unangika niwihisanangi. De masara naa ngomi duru minihigaro de minihibehehongo nginika ma titi nanga gogao nanga Baluhu idodutu o Yesusika, de gea minihibehehongo la ngini ka idogo-dogoli abe nianiiki mia dodotoko ma demo gea hiadono utuohi niwihisanangi Unangika ma titi nia wowango ma datorino.