Higiriiri 1:1 - Ma Jou ai Demo-demo o Totobelohoka

¹ Ona abe ma hiowa yamake, gea ona abe: Ko yaniikua o nyawa manga higaro ma demo nako ona Ma Jou ko iwingakua, De ko yomahikasapurua onangika abe yatobahowo-howono, De ko yomahidogogerua onangoka abe yahohedu ma totiaiika.

Higiriiri 1:1 ပူးပေါင်းရင်းမြစ်များ

Dodadi 49:6

To ngohi ahi jiwa tohitiari la tomatingaka onangino, La ko iwa ma oraha ngohioo taniiki manga hidee itorou. Angamoi manga ngamo ifae hiadono o nyawa yatoma, De o hapi ma dengo yaafo-afokoka la ihilugu, De gea yodiai la yogie-giete ato yomahigogule dika.

Dodadi 5:24

De gea o Henoko duru Ma Jou wisanangi ho de o wange moiuku de o Henoko ko iwimakeokaua o duniaka angamoi de ai badanga ka ma moi Ma Jou wigoraka.

1 Kokoano 16:31

De ai wowango ma datoro imakiniiki hoka o Yerobeama ai datoro ma modorou. De una woilaka de momatengo ami romanga o ngo Isebele abe munangoo duru o nyawa ma dorou ho ka de muna womile de to una ai dorou ka womahidogo dika. Muna gea o Sidono ma nyawa abe ami baba o Etabaala de una wahikoano o Sidono ma nyawa. De o ngo Isebele momahuba o pangao o Baalika ho yoilaka ibooto de ko itedekanua de ami rokata o Ahaba unangoo womulaenge womahuba-huba o Baalika.

Higiriiri 1:6

Angamoi yototiai manga wowango ma dodagi Ma Jou o Yawe wagoana, Abe ihititi dau de ka hiadono doka ma bahaika Ma Jou wahihira-hira. Masara ona yatobahowo-howono manga wowango ma dodagi imakohowono, Angamoi to ona manga dumutu o bobinaahaika dika.

Higiriiri 106:3

De ngone abe ai behehongo hohingounu mata-mata ngone hogarago. De nanga gogao o nyawa utuika hapaliara duru irahai, De hoigo la mata-mata hodiai duru itiai Ma Jou ai himangoka.

Higiriiri 2:12

Ho kiani ngini nimahitipokouku de niwidomorene Ma Jou o Ngofakika, Done Una winingamo de winihibinaaha nia karajaanga ma goronaka. Angamoi itodokanino de ka idadi ifae to Una ai ngamo nginika. Masara ona abe ko iwa manga hidee ma dorou Ma Jouika, Gea ona wahiowa angamoi yomahitatoko Unangika, Ma titi to ona manga ngongaku duru Ma Jou o Ngofakika.

Higiriiri 34:8

Ngaro ngini nihitaili Ma Jou o Yawe ai owa nginika, De ahao niamake abe hokokia ahao ai owa winihidoaka! De o nyawa abe yomahinganono Unangika dika, Ona de ahao ma ngoe o garago yamake manga wowangoka.

Sosawaro 1:15

Ho gea ahi ngofa-ngofaka duru tinihitiari nginika la ufa nianiiki ona gea abe inihigaro hokogea. Ho ka de manga higaro gea niihene de kiani nimataiti niadokaowara.

Sosawaro 1:22

“Ei, ngini initotopongonoka ma totiaiika! De abeika nginioo abe duru nitobahohedu, hokokia ma dekanohi niatobahohedu o nyawaika la nia sosanangi niamake o hohedu ma demoino dika? Ho muruonoka de nitoba nia hohedu ma demoino gea? De hokokia ma dekanohi nia hininga ma lawana itagi o tobahiorikika ho hiadono ngohi o ngo Sosawaro ahi dodotoko niaoluku? Marai ngini duru ka niosanangi dika nigogere nia bodo ma goronaka e?

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 2:12

De naa tinihitararono ahi ngofaka o sosawaro abe imanoa to ngona ani hiningaka ka idadi inihidumutu o totiaiika ho hiadono inihikatingaka o dualono ma nyawaino de iniduhunu la ngona ko naniikua manga higaro ma demo ma dorouika.

Sosawaro 3:34

De Ma Jou o Yawe duru wodohata o hohedu ma demo ma dorouika, ho o nyawa abe manga uru ma hauku ma dorouino, ahao manga demo ma hohedu yadogilioro onangikali. Angamoi hokogea Ma Jou wodiai la onangoo o hohedu ma demo yadaene onangika. Masara to Una ai dora itagi onangika abe manga hininga ma dodipokouku, ho wahiowa onangika gea.

Sosawaro 4:19

Masara, duru imakohowono to ona yotobadiai itorou manga wowango ma datoro, abe to ona manga dodagi duru o fufutu ma ngekomo dika yanii-niiki. Ho ka ihikaika yopeleke de yoruba masara manga wowango ma dodagi o fufutuoka ho ko ihiorikua manga bebeleke gea o kia.”

Sosawaro 9:12

Ho nako ngini nidadi nisosawaro duru niutumu nia wowango ma goronaka. Masara nako o sosawaro niaemono enangika de ahao ngini duru ma ngoe nikangela nia wowango ma goronaka.” De naa o Saloomo ai hiketero moioli abe o ngofeka womihiromanga o ngo Bodo. Abe nako o nyawa yaniiki to muna ami hininga ma bodo de ahao yaniiki abe duru ko itiaiua manga wowangoka. Ho o totiaiika ka yoluku dika de manga wowango ma dumutu o hohowonika de o hone-honengika dika.

Matiusu 16:17

De o Yesusu wipaluhu unangika wato, “Simono abe ngona to Yunusu ai ngofaka, ngona duru nagoungu. De ngona namakeoka ma hiowa Ma Jouoka de aino angamoi ngona nataoko itiai abe Ngohi naa to Una ai Ngofaka ma dodutu abe winihibehehongoka. De gea ahi Baba o Horogaka Una ma hirete abe wonihingahu ngonaika abe ma titi Ngohi, de ko o nyawainoua namake ma hingahu gea.”

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Yohanese 13:17

De naa ngini nihiorikokau ahi behehongo gea ho duru niamake ma owa ma gou-goungino nako nimaketeleleani abe hoka tinihimatokoka.” Hokogea o Yesusu wahitararono ona iwitobaniikika.

Yohanese 20:29

De ahao o Yesusu wihingahu unangika wato, “Ngona naa nongaku tomomikoka angamoi ma titi nohimakeoka, masara ona abe ko ihimakeua de manga lako de ona yongaku ma titi tomomikoka, ka onangohi duru de manga garagoka.” Hokogea o Yesusu ai demo.

Roma 5:2

De naga utuoli ma utumu hamake ma titi nanga ngongaku Unangika. Abe mangale ma titi ngone hingakuoka Unangika hiadono o Yesusu wonahigogere ngone Ma Jou ai hininga ma owa ma goronaka. Abe ma titi ma oraha naa de Ma Jou wonaao duru de ai hininga ma owa dika ngoneino abe nanga boriwowangoka. De nagali ma utumu abe ngone ka idadi hogogarago nanga hiningaka angamoi duru hohioriki abe ahao wonahikodoku ngoneino to Una ai medebini ma dararono, ho ngoneoo ahao naga Ma Jou ai medebini ma dararono ngoneoka.

Efesusu 6:13

Ho gea kiani ngini niagorakoka de nimahinoauku o parangi ma dae de ma dadatoko gea mata-mata abe Ma Jou wonahidailakoka ngoneino la ma oraha nanga musu gea iniparangi de gea ngini ka idadi nimadatoko de nimatongohono. De gea nimatongohono ka hiadono nia musu yodohuku de ko iniparangiokaua nginika, de ngini ko nidohukua.

Higalioli 33:29

Ho ngini naa o Isiraele ma nyawa nia hiowa duru kohangoe niamakeoka! De ngaro o nyawa mata-mataika masara ka ngini dika abe Ma Jou o Yawe winiduhunu nginika, ho ka ti nginiohi nia utumu duru ilago-agomo abe nako de o nyawa utu mata-mata! Abe Una ma hirete wodadioka ti ngini nia dadatoko, de ka idadi hihiromanga hato Una hoka nia humaranga abe duru ka ihikaika itobalaku! Ho hiadono nia musu ka yomaponuku dika nia himangoka ma titi manga modongo, de ngini ka idadi niadoko-doko onanguku angamoi ona duru yokalaka.” De hokogea dika aika o Musa ai hiowa ma demo o Isiraele ma nyawa mata-mataika abe ma oraha itigioka ai wowango ma baha.

1 Peturusu 4:3

Angamoi bote iniwedonoka nia oraha abe o horoodo gea nianii-niiki. De igoungu abe ma dihiraino de ngini ka nianiikohi o nyawa manga hafini abe ona ko iwihiorikua Ma Jouika. De abe to ona manga hafini gea hoka manga gimono ma dorou abe duru yahipareta onangika, de o hafini ma dorou, de abe ona yatobadaluku. De utuoli manga datoro naga abe hoka yoigo yaniiki o rame-rame abe genangoka o nyawa yatobadaluku de gea hiadono manga badanga ma hafini ho ona ko yomahiparetakaua. De nagali abe ona hoka yomahijou de o kiahonangika. De gea mata-mata ngaro ibootoka nianiiki angamoi ma oraha naa niatobaniikoli Ma Jou ai mau nginika. Angamoi ma dihiraino de nia oraha iniwedonoka la o horoodo gea nianii-niiki, ho ibootohi nianiiki enangika!

Himatoko 22:14

“De onagona dika abe manga howo-howono akokiofioka ho hiadono ona yotebi-tebinoka, ona gea yomaketero abe hoka o baju yafokaka ho duru iarehoka o baju gea. De ona gea duru de manga utumoka, angamoi ona yahigunoa la yowohama ma kota ma goronaika abe ma dadaduhu ma ngoranino yowohama, de gea yahigunoa la o wowango ma gota ma hofoko ka idadi yaolomo.