Higalioli 6:6 - Ma Jou ai Demo-demo o Totobelohoka

⁶ “De ma pareta ma demo abe o wange naa tinihuloko, ma demo gea kiani ka ihikaika nimahihohininga.

Higalioli 6:6 ပူးပေါင်းရင်းမြစ်များ

2 Samuele 22:23

De to Una ai hitiari ma demo tongano-nganono, abe ngohi ko tawohangua ai demo gea.

Higiriiri 37:31

De ona abe manga wowango ma datoro duru imakiniiki de Ma Jou ai totiai, Yomadotoko Ma Jou ai behehongino de ma titi yagogono doka manga hiningaka, La ka ihikaika yomahihohininga de o totiai ma ngekomino ko yorehenua.

Sosawaro 3:5

De naa duru tonihigaro la ngona ningaku Ma Jou o Yaweika de ani hininga ma gahumu, de ufa nomahinganono to ngona ani tobahiorikika hiadono nato nomangaratii enangika abe nohimanga.

Sosawaro 7:3

De ahi demo idadi o hohininga ani hiningaka imaketero hoka o ali-ali moi abe duru de ma ijaka hiadono ka ihikaika nogoana ani hagaraaraka. De imaketero hokogea nogoana o hohininga abe tinihidoaka de ahi dodotoko nginika abe ena gea de o ali-ali ka enangohi de ma utumoka ani wowangoka. De imaketero hoka hotulihi de o pawa o hakaru ma baka-bakaika la ma dulihi ko ihihangua duru genangoo imaketero hoka ngonaoo kiani ahi hiowa ma demo notulihikaka ani hiningaka.

Lukasa 2:51

De ahao ona yomakiniiki yolio manga kapongo o Nasaretika de Una ka ihikaika watobahingounu ai dimonika. De to Una ngoi meme muna ami hiningaka de duru mongano-nganono gea mata-mata abe idadioka de Una.

Lukasa 8:15

“Masara utu yoihene ai Demo-demo de ona gea hoka o bibiti ipuraraha o tonaka ma rorahaiuku. Abe ona gea yodafongo Ma Jou ai Demo-demo de manga hininga ma rorahai de ma gou-goungu. De ona duru yomajojoika ai Demo-demoika manga hiningaka de yomatongohono genangoka ka hiadono yahihofoko de o hofoko ma rorahai manga wowangoka abe ma titi manga datoro ma totiai yotobadiai.” De hokogea o Yesusu ai ade-ade ma hitararono abe iwinii-niikika.

2 Korintusu 3:3

De duru itararono abe ngini nidadioka imaketero hoka o hingaku ma hurata abe iboa o Yesusu Kristusoka de aino. De abe ma hurata ma demoino wohitulihuku, gea Una womipake ngomi naa la mitotaka ai hurata gea abe wato wahidingoto o nyawaika. Abe gea ma titi womipake ngomi la nia wowango ma rorahai gea miahingahu-ngahu o nyawa manga ngoe-ngoeika. De gea nako ma tinta wapake, gea duru ko o tinta biahaua masara gea wipake Ma Jou Wotobawango ai Womaha. De abe ma buku, gea ko o hakaru ma baka-bakaikaua abe ai hurata ihitulihi genangika hoka ma dodihiraino o Musa ai Pareta o hakaruika ihitulihika. Masara gea o Yesusu Kristusu wohiaturu la ai hurata gea ihitulihika o nyawa manga hiningaka dika. Abe ma titi o Yesusu Kristusu duru wokarajaanga ti ngini nia wowangoka de gea wipake Ma Jou o Womaha nia kokihiningaka la nia hininga aturuuruoka. De gea ngomioo womipake la hiadono nia wowango aturuuruoka. Ho imaketero hoka o hurata moi abe o nyawa ka idadi yamake de yobasa la ihioriki ma dola, hokogenangoo o nyawa ka idadi inimake ti ngini nia datoro de inihioriki abe ngini nia wowango ko hoka ma dihirakaua.

Higalioli 11:18

“Ho ngini kiani nimahijo-joika to Una ai pareta ma demoika de ufa hiadono ka niawohangika. Kiani ka ihikaika nimahihohininga ma demo gea. Nimahideho-dehorino de ma demo gea abe ihitulihukuoka o bukuoka la idadi o hohininga ma dodunguu abe niamake o wange-wangeiye. Ho ma demo gea irahai nimahidehorino nia giamino de nia peaino.

Higalioli 11:20

De irahai ngini niahitulihuku ma demo gea abe nia tau ma ngoranika de nia kota ma ngoranika la gea ka ihikaika niohohininga.

Higalioli 32:46

“Abe ma behehongo ma demo mata-mata tinidofanga nginika o wange naa, ngini kiani ka ihikaika nimahihohininga de nianiiki enangika. De kiani niadotoko ma demo mata-mata gea nia ngofa-ngofakika la onangoo ka idadi yatobaniiki enangika.

Kolose 3:16

De kiani nimahigunoa la o Kristusu ai demo-demo imanoa nia kokihiningaka hiadono duru niongano-nganono ai demo gea. Abe kiani niapake nia tobahioriki ma gahumu ai demoino gea ma oraha nimakodotoko de ma oraha nimahiketehitiari. De abe ma oraha niapake o Higiriiri ma Nyanyianga ma buku abe ma dihira ihitulihukuoka, de o nyanyianga utuoli naga abe niwihigiriiri Ma Jou, gea mata-mata ka idadi ninyanyi la nimahiketehipoputurungu nia ngongakuoka. De abe ninyanyi, gea niwihigiriiri de nia hininga ma tarimakase Unangika.

2 Yohanese 1:2

De gea ngomi mata-mata minidora nginika mangale ma titi ma dodotoko ma gou-goungu naga imanoa to ngone nanga hiningaka, de gea ka ihikaika imanoa ngoneoka naa de ka hiado-adonika.