Higalioli 4:4 - Ma Jou ai Demo-demo o Totobelohoka

⁴ Masara ngini onagona dika abe nitobagou-goungu nimahuba-huba nanga Jou o Yaweika dika, gea ngini ko kia-kiaua idadi nginika de ngini nagahi ka hiadono ma oraha naa naga, moioo de ko iwa abe inihihanga!

Higalioli 4:4 ပူးပေါင်းရင်းမြစ်များ

Hidingoto 11:23

De o Baranabasa una womahiadonoka de wamake abe Ma Jou ai hidoaka ma owa ona ko o Yahudi ma nyawaua yamakeoka. De gea wamake abe hokokia Ma Jou womahitaana abe wokarajaangoka ona gea manga kokihiningaka, ho o Baranabasa una duru wogogaragoka. De una wahigaro ona abe ahao iwingaku-ngaku nanga Baluhika la ona ka ihikaika yatobaniiki nanga Baluhu o Yesusu dika ai mau onangika.

Roma 12:9

De naa utuohi tinihigaro ma titi nia wowango Ma Jouoka. Abe ngohi tato ngini kiani nimakodora de nia hininga ma hohailoa ho ufa nia uru ma kaioka dika abe nimakodora. De kiani niodohata o dorouika, masara abe ma rorahai gea nimahigagaoika enangika la ka ihikaika gea dika nianii-niiki.

Higalioli 30:20

De naa ma moioli tinihigaro la niwidora nia Jou o Yaweika de nia hingounu itagi Unangika hiadono niatobagou-goungu ka Unangika dika. Angamoi Una dika abe ka idadi winihiakunu la niwango nisosanangi dika ma tonakoka gea abe ma dodihiraino de Una wahibehehongo ti ngini nia totoforaika o Abarahaama de o Isaka de o Yakubika wato wahidoaka onangika.”

Higalioli 4:3

Angamoi ngini ma hirete niamakeoka de nia lako nanga Jou ai datoro abe wodiaioka ti ngini nia hidogoronaka o Peoro ma lokuoka. Abe gea Una wahibinaaha ona mata-mata nginioka abe yomahuba-huba o Peoroka manga jou o Baalika.

Higalioli 4:5

De abeika ngohi naa tinidofangoka de tinidotokoka to Una ai huhuloko de ai hiaturu mata-mata la ngini ahao ka idadi nianiiki itiai ma oraha niwohama ma tonakika gea.

Yosua 23:8

Masara kiani niwileleani ti ngini nia Jou, Ma Jou o Yawe. Ngini ka ma dihirainohi de ka hiadono ma oraha naa nianiiki Ma Jou ai behehongo mata-mata abe ngone de Ma Jou homahiketehibehehongoka. De kiani ka ihikaika ngini mata-mata de nia hininga ma gahumu nianiiki ai behehongo gea.”

Himatoko 14:4

De ona gea manga wowango ma datoro duru itebini, de ona duru yatobagou-goungu iwinii-niiki o Domba ma Ngofakika dika, ho ona yomaketero hoka o nauru abe duru ko yahowo-howonua de o ngofekaika ho yotebi-tebini, angamoi ona ngaro o kiaika dika o Domba ma Ngofaka woiki, ma onangoo ka ihikaika iwinii-niiki genangika. De ona gea abe wabanguoka la yodadi to Una ai nyawa de to Ma Jouoo ai nyawa, de gea imaketero hoka ma dihiraino o Isiraele ma nyawa manga gota ma domoro ma hofoko gea iwihidoaka Ma Jouika la enangoo gea idadi to Una.

Himatoko 20:4

De ahao nagali tamake o kadera ma hohailoa kohangoe de gea amomoiika naga yogoo-gogeruku ma kaderauku, de ona gea naga manga kuaha la yatobauru-urusu o nyawa manga howono de hiadono yahohowono onangika. De ona yogoo-gogeruku gea Ma Jou ai nyawa manga jiwa abe ona nengokadau yatomaka angamoi ma titi ona yasoino ma hingahu ma demoika abe naga Ma Jou ai Demo-demoka, de gea yahingahu-ngahu o nyawaika ma titi o Yesusu de duru yahigaro la ka idadi iwingaku Unangika. De ona gea abe ko yomahubaua o aewanika gea eko to ena ma pangaoika, de gea ma dodunguu ko yodafongua abe manga pea ma nyore-nyoreoko eko manga giamoka. Ho ona gea yomomiki manga honengino de yomakiniiki yokoano de de ma Mesia o Kristusu abe o taongo o sana moi ma dekanino yokoano.