Higalioli 4:39 - Ma Jou ai Demo-demo o Totobelohoka

³⁹ “Ho o wange naa ngini kiani niongano-nganono de ufa niawohangika abe nanga Jou o Yawe ka Una dika Ma Jou o Horogaka de o duniauku naa. Duru ko iwa utu nanga Jou!

Higalioli 4:39 ပူးပေါင်းရင်းမြစ်များ

2 Samuele 7:22

“Ho Ngona igoungu Ma Jou o Yawe abe duru nokokurutiye angamoi duru ko iwa utu abe imaketero hoka Ngonali. De ko iwa utu Ma Jou angamoi ka Ngona dika nomatengoka. Abe ma dihiraino de ngomi o Isiraele ma nyawa minihiorikoka abe ka Ngona dika Ma Jou.

1 Tawari 28:9

De ahao nagali ai demo ma dumutu o Saloomoika wato, “De naa ahi behehongo ngonaika ahi ngofaka o Saloomo, tonihibehehongo la ani baba ai Jou to Una ai hininga kiani nohitihira abe mata-mata nodiai. De nileleani Ma Jou de to ngona ani hininga ma gahumu de ka ihikaika nomahidiaioka nodafongo mata-mata abe Una wonihidumutu ngonaika. De angamoi Ma Jou o Yawe watailako mata-mata o nyawa manga kokihiningaika de ngaro manga hininga ma dumutu ma genangoo mata-mata wohiorikoka. De ufa hafikiri abe ngone ka idadi Ma Jou hibudi. De nako duru de nanga hininga ma gahumu de nanga jiwa ma gahumu hilingiri to ngone nanga Jou de ahao ai mau hamake ngoneino. Masara nako hinoaika de hiadono hiolukoka de igoungu, Una ahao wonaoluku ngone ka hiado-adonika.

1 Tawari 29:11

O bobuturungu de o kuaha Ngona ma dutu mata-mataika, De o medebini ma dararono, de o gogere abe duru kohagurutiye, De o Horoga ma hohailoa ena mata-mata ihititi Ngonaka, Mata-mata abe naga o Horogaka de o duniaka gea ka to Ngona. Ngaro o koano abe wahikoano o Isiraele ma nyawa masara, O koano ma kuaha gea duru ka Ngonaka abe ani giama ma hoatoka, Ngona mia Baluhu idodutu ho duru itiai abe ngomi o nyawa mata-mata minigorakiye.

2 Tawari 20:6

De una womulaenge womaniata la ona mata-mata ka idadi yoihene ai niniata ma demo, wato, “Ma Jou o Yawe, Ngona abe mia totofora yomahijou Ngonaika, Ngona ma Jou abe nogogere daku o Horogaka. Ngona nopoputurungu hiadono o nyawa mata-mataika nahipareta de ani kuaha hiadono o tonaka homoi-homoiika o dunia ma lokuoka to Ngona ani kuahaka. Ho ngaro ona naga de manga koanoka eko manga popareta utu abe yahihira-hira masara ona mata-mata to Ngona ani giamoka! Ho ko moiua naga o nyawa abe ka idadi inilawana de hiadono yolaku.

Huhupu 8:10

De o Firaunu wato, “Nako gea itebini nominiata.” De o Musa wopaluhu, wato, “Ngohi ahao itebini tininiata ahi Jouiye de gea ahao idadi imaketero hoka o koano nogahokoka la gea duru ngona nohioriki abe ko moiua o pangao de ma buturungu abe imaketero hoka to ngomi mia Jou o Yawe ai buturungu.

Hosea 7:2

De ngaro manga wowango hokogea masara ona ko ihiorikua abe Ngohi talega-lega onangika. Abe Ngohi tomalega manga wowangoika de tamake abe hoka manga howo-howono yahikorobiti manga badangino. De Ngohi ka ihikaika tamake abe yahowo-howono gea.”

1 Korintusu 8:4

Ho naa ngohi topaluhu ma leleha abe ma titi o aewani ma roehe gea abe o nyawa yomahihuba manga pangaoika. De ngohi duru tohioriki abe genangoka o Korintusu ma kotaka de naga o nyawa duru manga ngoe abe manga biaha yatobaolomo ma roehe gea abe ihihubaka manga pangaoika. De ngone hohioriki manga pangao gea ko kia-kiaua, abe ena gea ko Ma Jouua de duru ko iwa to ena ma buturungu o duniaka naa. De ngone hohioriki Ma Jou Una ka womatengo dika.

1 Korintusu 8:6

masara nako ngone naa, to ngone nanga Jou ka womatengo dika, de Una gea nanga Baba. Ma dulaada mata-mata Unangoka de aino iboa, de Una ma titi hiadono ngone naga de nanga wowangoka. De to ngone nanga Baluhu idodutu, o Yesusu Kristusu, Unangoo ma ka womatengo dika. De ma dulaada mata-mata Ma Jou watulaada o Yesusu Kristusino dika, de o Yesusu Kristusino ngone howango.

Higalioli 32:12

De ma oraha gea ka Ma Jou o Yawe dika wahihira-hira onangika, abe ko iwa o jou ma homoa ona yanii-niiki.

Higalioli 32:29

Masara Ngohi duru toigo la ona naga manga sosawaro de ka idadi yataoko ahi hitiari ma demo naa, la gea ka idadi ihioriki abe ahao o kokangela yadaene onanguku.

Higalioli 4:35

De ai datoro gea winihimatoko la genangino de winidotoko nginika abe nanga Jou Una gea o Yawe de duru ko iwa o jou utuoli abe yagou-goungu Ma Jou.

Higalioli 6:4

De o Musa ka wotemohi onangika wato, “Abeika hototoihene, o Isiraele ma nyawa mata-mata! O Yawe Una gea dika to ngone nanga Jou, de ko iwa utu!

Yosua 2:11

De nia ade-ade gea ka de ngomi mata-mataino miihene de mia hawana imihifafara ka hiadono mia domoroinoo ma, ko iwaka. De gea ngohi tohioriki idadi mangale ti ngini nia Jou gea Una Ma Jou abe wohipareta o Horogaka daku o dunia ma dihangoka de hiadono dau o duniaukuoo ma, Una wohipareta mata-mataika.

1 Samuele 2:2

Duru ko iwa utu yotebi-tebini hoka Ngona Ma Jou o Yawe, Ko iwa Ma Jou utu, duga-duga Ngona ka Nomatengo dika, Ko iwa utu de ma buturungoka abe hoka nanga Jouoli ai buturungu, Ka Ngonaka dika mimahitatoko de ko moiua la ka imidaene.