Higalioli 4:38 - Ma Jou ai Demo-demo o Totobelohoka

³⁸ De ipahaino de Unangoli wakiniiki o nyawa duru ko manga ngoe, abe nako hahidotelega manga dutu homoi-homoi de ngini de ka onangohi duru yowoe. De Una wakiniiki ona gea la ngini ka idadi niwohamino de ahao winihidoaka to ona manga tonaka nginika la idadi ti nginioli nia oara ma tonaka. De gea mata-mata idadioka abe imaketero hoka ma dihiraino de Una winihibehehongoka nginika.”

Higalioli 4:38 ပူးပေါင်းရင်းမြစ်များ

2 Tawari 20:11

Masara abeika to ona manga hininga ngomino ma oraha naa. To ngomi mia datoro ma owa masara ona imihibalaha de manga datoro ma dorou. Abe ona yoboa naa de manga tentara la imihihupu mia tonakino abe Ngona Ma Jou nomihidoaka la idadi to ngomi mia oara.

2 Tawari 20:7

To ngomi mia Jou, ngomi naa duru mimahihohininga ma titi mia tonaka naa abe Ngona nomihidailakoino. Abe gea Ngona ma dihiraino de naduhu o tonaka ma dutu abe yogogere nenangoka hiadono nahihupu ani tonakino naa. Hokogea nomihidailako mia tonaka abe ena mata-mataika nomihidoakoka ngomino o Isiraele ma nyawaino abe nomihidadi to Ngona ani nyawa. Ngona duru ma dodihiraka nihibehehongoka ani dodiawo o Abarahaamika nato o tonaka naa idadi to una ai totoforauku manga tonaka ka hiado-adonika.

Higalioli 2:31

De hokonaa idadi ma dihira gea. Abe Ma Jou wotemo ngohino wato, ‘Abeika, ma oraha naa de tohiaturoka la manga koano de manga tonaka tinihidoaka ti ngini nia giamika. Ho ngini kiani niloikohi la ka idadi niahikala onangika de manga tonaka nimahitingini.’”

Yosua 3:10

de una wato, “Ngini kiani nihikokioriki abe Ma Jou Wowango-wango Una naga wininiiki nia hidogoronaka de gea Una abe ahao o nyawa mata-mata abe yogogere o Kanani ma tonakoka wakiniiki hiadono manga tonaka idadiokali ti ngini nia tonaka. Ho ona o Kanani ma nyawa, de o Hete ma nyawa, de o Hewi ma nyawa, de o Ferisi ma nyawa, de o Giragasi ma nyawa, de o Amori ma nyawa, de o Yebusi ma nyawa ona mata-mata wakiniiki ma tonakino naa.