Higalioli 4:37 - Ma Jou ai Demo-demo o Totobelohoka

³⁷ De mangale ma titi Una duru wadora ti ngini nia totofora ho womaputuhu la winihiowa ngini manga totoforauku. Ho Una ma hirete winihihupu ngini o Mesiiri ma tonakoka de aino abe de ai kuaha duru kohaamoko wapake.

Higalioli 4:37 ပူးပေါင်းရင်းမြစ်များ

Higiriiri 32:8

De o Yawe wohitemo ngohino wato, ‘Ngohi ka idadi tonidotoko la ani wowango nao itiai, abe tonihigaro ma rorahaiika de tonigoa-goana ani dodagioka.’

Higiriiri 34:15

Ona gea abe manga datoro itiai Ma Jou o Yawe duru wagoana onangika, Womalega onangika de wahigihene nako o duduhunu yomagahoko.

Huhupu 12:41

De duru o wange gea Ma Jou o Yawe ai nyawa yohupu de manga regu-reguoka abe yomahitoomu-toomuika o dutu homoi-homoi ho gea yokokisobo duru o wange gea de yadaene manga taongo o ratuhu iata de moruange ma dekanino o Mesiiroka.

Huhupu 12:51

De duru o wange gea Ma Jou o Yawe womulaenge o Isiraele ma nyawa wahihupu de manga regu-reguoka abe yomahitoomu-toomuika o dutu homoi-homoi la ma oraha wahihupu gea de wao hokogea de manga datoroka.

Huhupu 13:14

De ika-ika nia ngofa-ngofaka ahao inileha o domoro manga bobangu o huhuba ma awunino hiadono yotemo ato, ‘O kia ma titi hiadono ngomi o ngofaka o domoro kiani nimibangu?’ Ho ngini manga babali manga leleha gea niapaluhu niato, ‘Ma dodihiraka ngone o Isiraele ma nyawa hogogere ma dekana o Mesiiri ma tonakoka abe genangoka ona inahidadi manga huhuloko de inahikarajaanga hoka o aewani. De ahao Ma Jou o Yawe de ai kuaha ma buturungu wato wonahiluasa nanga kangelaino.

Huhupu 13:3

De Ma Jou ai behehongo utuohi naga abe kiani o Musa wahingahu o Isiraele ma nyawaika, wato, “Ngone hohininga o wange naa la duru o tao-taongiye nako o wange naa adonokali gea idadi o hohininga ma wange hiadono nanga totoforauku. Naa o huhupu ma wange abe Ma Jou o Yawe winihikokihupu ti ngini nia kangelaino ma titi o nyawa gea inipake hoka o aewani inihikarajaanga. De Ma Jou o Yawe winihiluasa de ai kuaha ma buturungu de gea ngini ahao nihitunguu de o roti ko iwa ma ragi abe kiani nimahibohono o ragika nia rame-rameoka. De gea ma titi hiadono ngaro o inomo o kia dika abe ihisapuroka de o ragi ko idadiua niaolomo o hohininga ma wangeoka.

Huhupu 13:9

O Roti ko Iwa ma Ragi ma rame-rame o hohininga ngoneika abe o tao-taongiye ka de ma oraha adono nanga rame-rame gea de ngone o Isiraele ma nyawa kiani hohininga ma titi. Abe o hohininga gea ka idadi hohiketero de o dodunguu o ukuino nanga badangoka abe ka de holega nanga bokekika gea de hohininga ma titi. Ho Ma Jou o Yawe wapake nanga rame-rame naa la o tao-taongiye ngini mata-mata niohininga ai behehongo nginika abe kiani nianiiki de nihingounu enangika. Ho ma titi gea niohininga de nimaketeade-ade ma oraha nihirame-rame, angamoi Ma Jou o Yawe winihiluasa de ai kuaha ma buturungu ka hiadono idadi naa winihihupu o Mesiiri ma tonakino.

Huhupu 33:14

De Ma Jou o Yawe wopaluhu unangika wato, “Ngohi ma hirete toniniiki la ani hininga ka idadi iriidi.”

Yeremia 31:3

De ma tonaka ma guru-gurutika gea de ahao Ngohi o Yawe tomahimatoko onangika. De gea tomahimatoko de totemo onangika tato, ‘Ngohi naa tinidora nginika, de ahi dora gea itongohono ka hiado-adonika. De gea ma titi hiadono Ngohi ka ihikaika tatobagou-goungu nginika.’” Hokogea Ma Jou o Yawe ai demo ai nyawaika.

Gegetongo 20:16

Masara ngomi duru mimagahoko Ma Jou o Yaweika o duduhunu de Una womigihene de ai malaekata wohidingoto ngomino la womihihupu o Mesiiri ma tonakino. Ho ngomi naa mia dodogumoka o Kadesoka, o kapongo moi abe duru ani tonaka ma batingoka.

Roma 9:5

De moioli ma hiowa abe ma dodihiraino to ngomi mia totofora gea de Ma Jou wairiki de wagoraka ona la manga romanga idadi ikurutiye, de onangino gea ngomi o Yahudi ma nyawa midadi. De ma utumu mata-mata gea ngomi miamakeoka Ma Jouino, masara hongoli abe ma titi to ngone nanga Duduhunu o Kristusu, abe Una Ma Jou wonahibehehongoka ngoneino, Una gea womaboa ngomi o Yahudi ma nyawaino. Abe Unangoo Ma Jou Wokokurutiye, ho gea itiai ngone hihigiriiri Unangika ka hiado-adonika. Amin. De ngaro ngomi o Yahudi ma nyawa Ma Jou duru womihiutumu hokogea ngomino, masara ahi gogianongoru manga ngoe o Yahudi ma nyawaka de ona gea ka iwiolukohi Unangika abe Ma Jou wihidingoto la waduhunu. Ho mangale ma titi ona iwioluku Unangika ho hiadono kiani ona gea ahao yamake Ma Jou ai hohowono onangika. De gea ena ma titi hiadono ngohi ahi hininga ihuha de hiadono tanu ngohi toigo taturuuru ona ahi gogianongoru o Yahudi ma nyawaka, la ka idadi to onangoo manga hohowono ko yamakeuali Ma Jouino.

Higalioli 33:12

De o Musa ai hiowa ma demo abe ihidumutu o Benyamini ma nyawaika hokonaa, wato, “O Benyamini ma nyawa, ona gea Ma Jou o Yawe duru wadora onangika, de ona yowango yosanangi dika to Una ai datekoka. Abe Una ka ihikaika watobagoa-goana, de wahigororomino arihononga la ufa o bodito o kia dika idadi onangika.”

Higalioli 33:3

De Una duru winidora ngini to Una ai nyawa, ho winitobapaliara irahai ngini mata-mata abe nidadioka to Una. De ngini nianii-niiki ai ngekomika, abe ma titi naga nia hingounu to Una ai dodotokika.

Higalioli 4:34

De abeika hokokia Ma Jou winiduhunu la winihihupu o Mesiiri ma tonakoka de aino. Abe ma oraha gea de Una wapake ai hohowono ma ngoe de ai heheranga muruono naga. De nagali ai kuaha de ai bobuturungu abe waparangi onangika, de naga ai datoro utuoli abe duru yahihawana onangika la ka idadi winihihupu manga giama ma hoatino. Ho sarakia, naga utuoli o nyawa manga jou abe yaduhunu ma nyawaika de to ena ma buturungu hokogea? Duru ko iwa! Masara abeika, duru hokogea nanga Jou ai datoro ma gogurutiye abe wodiaioka la winiduhunu to ona manga giamino! De gea mata-mata ai datoro ngini niamake de ti ngini ma hirete nia lako.