Higalioli 4:22 - Ma Jou ai Demo-demo o Totobelohoka

²² Ho igoungu ngohi naa ahao tohonenge naa ma honongaka, masara ngini dika ka idadi nimahihora doka ma honongaika de niwohama ma tonakika gea la idadi ti nginioli nia oara ma tonaka.

Higalioli 4:22 ပူးပေါင်းရင်းမြစ်များ

Gegetongo 27:13

Ho ngona namakeoka ma tonaka gea de ahao ngonaoo hoka ani riaka o Harunoli abe ani gogianongoru ko yowohamikauahi de ngona nohonengoka. Abe naa adonoka ma oraha ngonaoo nohonenge ho to ngona ani jiwa de ani totofora manga jiwa ka ma moi tinihidotoomuino de ona yododihiraika yohonenge.

Gegetongo 27:14

De gea angamoi ngona de o Harunu inihinooto ko nihihingounua abe ko nianiikua ahi behehongo nginika ma oraha o Sini ma tonaka ma kakaahaka. Abe ma oraha gea ona o Isiraele ma nyawa de manga gurubungu ihiribuutu Ngohino la tahiokere onangika de kiani ngona notemo o hakaruika gea duru imaketero hoka tinihibehehongo abe nako ngini nihihingounu de gea niahimatoko o nyawa mata-mataika gea to Ngohi ahi medebini ma dararono ma oraha o akere ipooteke ma hakaruino gea. Masara, ngini niahimatoko onangika abe nidiai ti ngini nia hininga ma mauoka dika de aino ho ngona de ani riaka niahowonoka Ngohino.” Hokogea Ma Jou wihingahu o Musaika abe ma titi ma dihira o Isiraele ma nyawa iwiribuutu Ma Jou o Yaweika la wahidoaka o akere ho ma akere gea ihiromanga o Ribuutuino ma akere o Kadesoka.

Higalioli 1:37

De ahao o Musa ka wotemohi onangika wato, “De ma oraha gea de nanga Jou ai ngamo itagi ngohinoo ma titi ngini. Abe Una wohitemo wato, ‘Musa, ngaro ngona ma hirete masara ko tonihigunoaua la nowohama ma behehongo ma tonakika gea.

Higalioli 3:25

De naa tomagahoko Ngona nohihigunoa la ngohioli ka idadi tomahihora o Yorodani ma akere gea de ngohioo ka idadi tamake ma tonaka ma rorahai gea abe doka ma honongaka, de ma tonaka abe naga ma loku-loku ma hohailoa, de o Libanono ma loku-loku gea.’ Hokogea ahi gogahoko Ma Jouika.”

Higalioli 3:27

Masara naa moi dika tonihidoaka. Abe ngona ka idadi nodoa o Pisaga ma tubuiye, de abe nomahiadoniye ka idadi nolega-lega dika ma tonaka gea ma amokika. Genangoka nowuni-wuningi de ani lako dika masara ko idadiua nomahihora doka o Yorodani ma akere ma honongaika.

Higalioli 31:14

De ipahaino de Ma Jou o Yawe wotemo o Musaika wato, “Abeika, naa itigioka ani wowango ma baha. Ho ngona kiani nibehehongo o Yosua la una woboaino, de ahao ngini inihinooto ka idadi niwohamika o Hikamake ma Tau ma goronaika. De genangoka ngini de Ngohi homarihimanga la ka idadi o Yosua tihitagongo de ai karajaanga.” Ho ona yahinooto yoiki yomarihimanga de Ma Jou ma tau gea ma goronaka.