Higalioli 4:21 - Ma Jou ai Demo-demo o Totobelohoka

²¹ De ahao o Musa wohigila-gila ai demo onangika wato, “Masara ipahaino de idadi abe Ma Jou o Yawe duru wongamo ngohino mangale ma titi ngini naa, ho Una womahikoboto wato duru ko idadiua ngohi tomahihora ma akere gea ma honongaika la towohama ma tonaka ma rorahaiika abe Una winihidoaka nginika naa.

Higalioli 4:21 ပူးပေါင်းရင်းမြစ်များ

Gegetongo 20:12

Masara Ma Jou o Yawe ko wasanangiua o Musa de o Harunika ho wataere wato, “Ngini ko nihihingounua. Marai nia ngongaku Ngohino ko niapakeua angamoi ko nianiikua hoka tinihibehehongoka nidiai o Isiraele ma nyawa manga himangoka. Abe nako nihihingounu de gea niahimatoko o nyawa mata-mataika gea to Ngohi ahi medebini ma dararono ma oraha o akere ipooteke ma hakaruino. Masara, angamoi ngini ko nihihingounua gea niahimatoko onangika abe nidiai ti ngini nia hininga ma mauoka dika de aino ho ona ko ihihigiriiriua ma titi o akere gea Ngohino. Ho gea Musa de Harunu, ka de ngini hokogea nidiai de nimahitaana abe ko iwa nia horomati to Ngohi ahi medebini ma dararonika. Ho ahao ko nginiua niahihira-hira o Isiraele ma nyawa ma oraha yowohama ahi behehongo ma tonakika abe tahidoakoka onangika.” Hokogea Ma Jou ai hohowono o Musa de o Harunika ma titi ko iwihingounua.

Higalioli 1:37

De ahao o Musa ka wotemohi onangika wato, “De ma oraha gea de nanga Jou ai ngamo itagi ngohinoo ma titi ngini. Abe Una wohitemo wato, ‘Musa, ngaro ngona ma hirete masara ko tonihigunoaua la nowohama ma behehongo ma tonakika gea.

Higalioli 3:26

“De gea Ma Jou woihene ahi demo masara duru wongamo ngohino mangale ma titi ngini naa, ho Una duru ko wohihigihenua ahi gogahoko ma demoino. De wohitemo ngohino wato, ‘Ibootohi notemo ma titi gea!

Higalioli 31:2

Abe una wotemo wato, “Ngohi naa ahi ngumuru adonoka ahi taongo o ratuhu moi de monaoko. Ho marai ko takunokaua tinihihira-hira ngini, de hongoli Ma Jou wohihingahuoka wato ngohi ko idadiua tomahihora doka o Yorodani ma akere ma honongaika.