Higalioli 4:11 - Ma Jou ai Demo-demo o Totobelohoka

¹¹ De ahao nikokiboaino de nimaokoino duru o loku gea ma timiuku, de niamake abe ma lokuoka naga ma uku ihololomiye daku ma dihangiye. Masara nagali niamake abe duru ifufutu daku ma lokuoka angamoi ihihawo de hoka o lobi ma biri-birini.

Higalioli 4:11 ပူးပေါင်းရင်းမြစ်များ

2 Samuele 22:10

De ahao Una wafelenga ma dihanga de woutiuku, de gea woboaino o lobi-lobi ma birini ma goronaka.

1 Kokoano 19:12

De o dunia ikelu-kelu ipaha de ahao naga o uku itoka-tokara o Elia ai himangoka de o Elia womadohuku o aruku ma goronaika masara Ma Jou o Yawe, Una ko iwiwa o uku ma dokara ma goronaka gea. De o uku itoka-tokara ipaha de ahao naga o ilingi duru ma hohutuliye woihene hoka o huhudu ma ilingi ho duru ma hutu ma hutuiye.

Higiriiri 18:11

De gea woboaino de womahihawoino de o fufutu, abe o lobi ma biri-birini iwihigororomino.

Huhupu 19:9

De ka de wodoaiyeoli de Ma Jou o Yawe wihitodokanika o Musaika wato, “Abeika, Ngohi ahao touti ma lokuku naa de tomahihawoino de o lobi duru kohabirini de ahao Ngohi totemo-temo ngonaika de noihene ka o lobi ma goronaino dika ahi ilingi ihupu. De hokogea taamo-amokiye ka hiadono onangoo dau ma timiuku ka idadi yoihene ahi ilingi. Hokogea tomahimatoko de tonitemo de onangoo yokokiihene de ahao ngonaikaoo ona iningaku ka hiado-adonika.” Hokogea Ma Jou wotemo ibooto de ahao o Musa wihingahu Ma Jou o Yaweika o Isiraele ma nyawa manga behehongo gea.

Higalioli 4:12

De ahao nanga Jou o Yawe winitemo nginika o uku ma goronaino de ka idadi niihene ai ilingi ma demo masara ko kia-kiaua niamake de nia lako.