Higalioli 34:10 - Ma Jou ai Demo-demo o Totobelohoka

¹⁰ De ngaro ma dihira de ka hiadono ma oraha naa de ko moiua Ma Jou ai uru ma dodofanga utu o Isiraele ma nyawa manga hidogoronaka abe to ona manga gogao Ma Jou o Yaweika hoka o Musali. Abe Ma Jou o Yawe de o Musa yomarihimanga de yomakoketemo.

Higalioli 34:10 ပူးပေါင်းရင်းမြစ်များ

Huhupu 11:3

Hokogea ma dihirainohi de Ma Jou o Yawe wohiaturokau la ahao hokogea idadi abe o Mesiiri ma nyawa ka yosanangi yahidoaka manga kiahonanga o Isiraele ma nyawaika ma oraha yosobo. Hokogea yosanangi mangale ma titi Ma Jou wahihawana hiadono ko yalawanokaua onangika. De ona o Mesiiri ma tonaka mata-mataika hiadono manga poparetaoo iwigorakiye o Musa de manga horomati unangika.

Huhupu 33:11

De doka ma goronaka Ma Jou o Yawe witemo o Musaika yomarihimanga imaketero o nyawa abe duru yomaketedodiawo yomakoketemo. Gea yomakoketemo ibooto de ahao o Musa wolio manga dodogumu ma ngi ma goronaika. Masara o Musa ai duduhunu o Yosua, abe una gea o Nuunu ai ngofaka, una ko wolioua. Ho una ka ihikaika genangoka dika womagoo-gogere abe ko wanoaua o tau o ngoerino abe genangoka o Musa de Ma Jou yomakamake.

Huhupu 8:13

De ahao Ma Jou o Yawe wodiai duru imaketero hoka o Musa wogahoko Unangika. Ho o popaa gea ikokihonenge abe naga homoi-homoiika manga tau ma goronaka, de manga tau ma loaka, de manga redi-redioka ikokihonenge mata-mataika.

Hidingoto 7:37

“De ma dihiraino gea de o Musa una ma hirete wahingahu o Isiraele ma nyawaika wato, ‘Ma Jou ahao wigoraka womatengoli ai uru ma dodofanga ti ngini nia hidogoronaino. De una gea ai hiningaka de womaketero abe hoka ngohioli.’

Higalioli 34:11

De imakohowono o Musu de Ma Jou ai uru ma dodofanga utu abe ko moiua o uru ma dodofanga utu abe Ma Jou o Yawe wahiakunu la hiadono yodiai o heheranga de o dodunguu hoka o Musali, abe una duru ma ngoe wodiai Ma Jou ai buturungu ma himatoko. De gea wodiai o Mesiiri manga koano o Firaunu ai himangoka de ai popareta ma nyawa manga himangoka de hiadono manga kokawaaha mata-mataika yakokimake gea o Musa wodiai.