Higalioli 33:12 - Ma Jou ai Demo-demo o Totobelohoka

¹² De o Musa ai hiowa ma demo abe ihidumutu o Benyamini ma nyawaika hokonaa, wato, “O Benyamini ma nyawa, ona gea Ma Jou o Yawe duru wadora onangika, de ona yowango yosanangi dika to Una ai datekoka. Abe Una ka ihikaika watobagoa-goana, de wahigororomino arihononga la ufa o bodito o kia dika idadi onangika.”

Higalioli 33:12 ပူးပေါင်းရင်းမြစ်များ

2 Samuele 12:24

De ahao o Dautu womitutumu o ngo Basebaika ho womilaru. De ahao abe ma oraha yomaiduoli una de muna de ipaha mamake o ngofaka womatengoli de o Dautu wihiromanga o Saloomo de Ma Jou o Yawe duru widora o Saloomo gea.

2 Samuele 12:25

De mangale Ma Jou hokogea widora ho ahao wihingahu ai uru ma dodofanga o Natana, wato, “Ngona kiani nahingahu o Dautu de ngoi fekata abe Ngohi Ma Jou o Yawe tato manga ngofaka naa kiani iwihiromangoli o Yedija.”

1 Kokoano 12:21

De naa o Rehabeama wohioriki abe to una ai kokawaaha ngade-ngade mata-mata iwioluku ho una wato ahao wahikokigilio la ona yomahikoano ka unangika dika, abe una o Saloomo ai ngofaka abe kiani unangoli ai baba wituruuru. Ho o Sikeme ma kotaka de waino woboa hiadono wolio o Yerusaleemika. De genangoka ahao o Yehuda ma nyawa ma dutuino watoomu ma nau-nauru mata-mata de onangoo abe o Benyamini ma dutuino abe naga genangoka. De ahao ona mata-mataino wairiki o nau-nauru abe duru yososawaro yoparangi. De ona yotobaparangi abe wairikoka, abe manga ngoe ona mata-mata yasana o ratuhu moi de yasana moritufange.

Higiriiri 91:4

De Una ahao winigoana ngini abe hoka o totaleo ma mayo yogoana ma ngofaka, ho ai gafuufu ma timiuku gea de ko kia-kiaua idadi nginika. Abe Una watobagou-goungu wagoana ai nyawaika, de ai gogoana gea imaketero hoka o dadatoko moi, de hoka o dadaduhu abe duru iputurungu.

Matiusu 23:37

De ahao o Yesusu wotemoli o nyawa yowoe-woeika wato, “Hiokoo ngini o Yerusaleeme ma nyawa naa! Angamoi ngaro Ma Jou wahidingotoka ai nyawa manga ngoe nginika abe utu ai uru ma dodofanga de utuoli ai abari ato inihingahu nginika, masara ona gea ngini niatomaka. Abe utu onangino ngini niahakaru onangika ka hiadono yohonenge. Ho gea inihitaana abe ngini niaoluku Ma Jou ai demo nginika. De ngaro ngini nia hininga hokogea masara Ngohi naa ma ngoe toigo tapake ahi hininga ma dora nginika masara Ngohioo nihioluku. De gea tonahiketero abe Ngohi hoka o kuru-kuru ma mayo abe yoigo atoomuino to ena ma ngofa-ngofaka ma gafuufu ma timiuku la duru imahidutuku ma mayoika. Masara ngini naa nioluku niboa Ngohino.”

Higalioli 32:11

Ho Una hoka o koloba ma mayo abe itobagoana to ena ma ngofaka, de itobadama-dama / itobangooto ma ngofaka ma lokuiye la ka idadi yoduhunu. De Unangoo imaketero hoka ai gafuufu wohirefe la wohihoho dakuiye, la ufa o bodito ka idadi yadaene.

Higalioli 33:11

Ho irahai la Ngona mia Jou nahiowa o Lewi ma nyawaika gea, de to ona manga leleani ma karajaanga mata-mata nosanangi nadafongo. De nako naga manga musu yoboaino, ngohi tagahoko la Ngona duru nahiodiri manga musuika, hiadono ona gea duru ko yapoakaua yomaokoiye ma tonakoka de aiye.”

Higalioli 4:37

De mangale ma titi Una duru wadora ti ngini nia totofora ho womaputuhu la winihiowa ngini manga totoforauku. Ho Una ma hirete winihihupu ngini o Mesiiri ma tonakoka de aino abe de ai kuaha duru kohaamoko wapake.

Hihira 1:21

Masara nako o Benyamini ma nyawa ma oraha yowohama manga tonaka ma hungi ma goronaika, ona ko yakiniikua o Yebusi ma nyawa abe yogogere o Yerusaleeme ma kotaka. Ho ngaro ka hiadono ma oraha naa naga abe tohitulihuku manga ade-ade masara o Yebusi ma nyawa nagahi o Yerusaleeme ma kotaka de yomahisapurino de o Benyamini ma nyawa genangoka.

1 Samuele 10:20

Ho o Samuele wahokino o Isiraele ma nyawa manga dutu yangimoi de yahinooto manga hihira la ona yokokiboa la yomaokoino Ma Jou o Yawe ai himangoka. De ahao manga dutu yangimoi de yahinootoino o Benyamini ma dutu abe Ma Jou wairiki.