Higalioli 32:9 - Ma Jou ai Demo-demo o Totobelohoka

⁹ Masara nako o Yakubu ai totoforauku, o dutu moi gea yodadioka to Ma Jou o Yawe ai regu, la wato Una dika wahipareta onangika.

Higalioli 32:9 ပူးပေါင်းရင်းမြစ်များ

Higiriiri 106:40

De gea ma titi hiadono Ma Jou o Yawe ai ngamo duru ifae, De ifae to Una ai nyawaika ka hiadono waemono onangika, Ngaro ka ona dika ma dihiraino wahidadi to Una ai nyawa, De wahibehehongo onangika wato to ona manga oara naga abe Unangoka de aino.

Higiriiri 106:5

Ngaro ngohioo ma toigo tamake ani hiowa o kiahonangino, Naga irupa-rupa ma ngoe abe nahikodoku onangika abe nairikoka, De gea ngomi ma dihiraino nairiki la midadioka to Ngona ani nyawa. Ho ngohioo tonihigiriiri de tomaimono nohihidadioka to Ngona ani nyawa, De hiadono ngomi ani nyawa mata-mata nomadingakoka Ngonaino.

Higiriiri 33:12

Ho abeika hokokia ma amoko ma owa abe ona o dutu moi yamake iti manga jou gea o Yawe! Abe duru ma rorahai yamake mangale ona gea wairikoka la wato wahiowa onangika!

Huhupu 15:16

De o hawana de o mobole Ngona nadiodaka onanguku, Ho duru ko yomasikaakaua to Ngona ani himangoka, Ani kuaha ma buturungu abe duru yahihawana ona gea, Ho abeika Ngona nodiai Ma Jou o Yawe la nahihawana, Ona yorii-riidoka dika abe hoka o hakaru manga miriidi, Ho ko yokelu-kelua ka hiadono miatilakuru manga himangino, Hokogea ngomi ani nyawa nomiduhunu abe nomibanguokau.

Huhupu 34:9

De wohibehehongo Ma Jouika wato, “Ahi Jou kangano Ngona nohihingahu nato nohisanangi ngohino de ani demo mata-mata igoungu ho duru ngohi togahoko la Ngona nominiiki mia dodagi ma goronaika. De ngaro ani nyawa naa ona o tobalawana ma nyawa abe igoungu manga pea duru inidotogowini Ngonaika masara ngohi togahoko la to ngomi mia howono nakokiofi la duru itaana abe ngomi nomidafongoka. Hokogea idadi ma dodunguu abe ngaro ani dulaada mata-mataika to Ngona masara, gea ka ngomiohi duru nomadingakoka Ngonaika.” Hokogea o Musa wihibehehongo.

Yeremia 51:19

Masara Ma Jou o Yawe, abe Una wodadi o Isiraele ma nyawa manga Jou, Una gea de o popangao duru yomakohowono ma gurutika! Angamoi Una gea abe o dulaada mata-mata wotobatulaada. Abe ngaro to Una ma hirete ai nyawa, ma onangoo watulaada. De Una gea abe iwihiromanga o Yawe Wokokurutiye angamoi wohipareta mata-mataika.

Efesusu 1:18

De gea tinigahoko Unangika la winihitararono ti ngini nia hiningaika la hiadono ngini niakunu niataoko itararono abe hokokia nanga utumu ma owa hamake ahao ma oraha nanga bobaha adonoka. Abe gea Ma Jou wonaahoko nanga ngongakuino de wonahideeokau wato ahao nanga utumu ma owa wonahidoaka ngoneino. De ngohi toigo la Una winiduhunu hiadono ngini nihioriki abe nanga utumu ma owa gea duru ihohailoa de duru ikokurutiye de abe gea ka wonahidoaka dika ngoneino abe wonatinga-tingakoka. De ma titi gea ena hiadono ngohi tinigahoko Ma Jouiye la tato ngini ka idadi duru niataoko itararono nanga utumu ma owa gea.

Yosua 24:17

Abeika, nanga gogianongoru ma dihira o Mesiiri ma nyawa yahidadi manga huhuloko dika de ahao Ma Jou o Yawe, to ngone nanga Jou, Una wahihupu manga kokangela ma karajaangino o Mesiiri ma tonakoka! Una wodiai o heheranga duru ma amoko hiadono ngoneoo de nanga lako ma hirete hamakeoka! De gea Una abe wonapaliara nanga dodagino abe o tonaka ma kakaahaino de wonaduhunu ma oraha ngone naga nanga musu manga hidogoronaka ka hiadono ngone ka howangohi o wange naa!

1 Samuele 10:1

De ahao o Samuele naga wasoino o saitunu ma hofoko ma minya de wigopoa o Saulu ai mumukuku hiadono yodahahuru ai badanguku. De ahao wibounu de wihingahu wato, “Hokonaa tonibounu de tonihituagi de o minya atingakoka Ma Jouika nena la taniiki Ma Jou o Yawe ai behehongo ngohino. Abe hokonaa todiai la tonihitunguu abe Una wonihiakunoka la wonihidadi to Una ai nyawa o Isiraele ma nyawa manga hihira.