Higalioli 32:8 - Ma Jou ai Demo-demo o Totobelohoka

⁸ Abe ma dodihiraka de Ma Jou Wokokurutiye o tonaka wahikodoku o dutu amomoiika, de o dunia ma nyawa mata-mata wahikeregu, la o dutu homoi-homoi naga manga tonaka de ma bati-batingoka. De gea wahikeregu la o dutu homoi-homoi gea naga de manga jouoka, abe manga jou gea ka idadi wahipareta ma nyawaika genangoka.

Higalioli 32:8 ပူးပေါင်းရင်းမြစ်များ

Dodadi 10:15

De o Haama ai ngofaka o Kanani ahao to unangoo ai ngofaka o riaka o Sidono de ai ngofaka o dodoto o Hete.

Dodadi 10:25

De o Ebere naga ai ngofaka yahinooto, manga romanga o Pelege de o Yokatana. O Pelege ai romanga ma titi o regu, de iwihiromanga hokogea angamoi ma oraha una naga de o dunia ma nyawa yomaregu.

Dodadi 10:5

De o Yafete ai totoforauku naga utu yomahikokabarihi o tonaka ma ngoeika abe naa yogogere o gahi ma date-datekoka. Ho naa ibooto ma titi o Yafete ai totoforauku abe o kiaka manga tonaka amomoi de to ona manga demo amomoi de manga fam de manga dutu homoi-homoi.

Higiriiri 82:6

De ahao naga Ma Jou ai putuhu abe wahohowono onangika wato, “Ngohi tato ngini igoungu o jou-jou, abe ngini mata-mata duru de nia kuahaka.

Higiriiri 91:1

Koaho ngini nimahitatoko Ma Jou Wokokurutiye ai timiuku, de irahai la ngini nimanoa Una Wokokurutiye ai fofongoka.

Gegetongo 23:9

Ngohi daku o loku-lokuoka de ahi lako ma dumutu onangika, Daku o loku ma tubu-tubuoka de tapulono onanguku naa, De tamake o nyawa abe yomatingaka o nyawa utuino, To ona dika manga doomuoka yogogere manga igo, Abe ona ato, ‘Nako ngomi de o nyawa utu, ngomi mimakohowono.’

Gegetongo 24:16

Abe Ma Jouino toihene to Una ai demo abe idadi ahi hingahu naa. Ngohino iboa o himatoko abe Una Wokokurutiye wohihimatoko. Tomamotumuku ai himangoka de Una wohihiakunu la tomahioriki itiai.

Hidingoto 17:26

De Una duru ma dodihiraka de witulaada o nyawa womatengo, de ipahaino de o nyawa de o dutu mata-mataika o dunia ma amokika de wonatulaada abe womatengoino gea. De ma dodihiraka gea de womaputuhokau abe ahao ma nyawa de ma dutu o kiaka wagorakiye la naga to ona manga kuaha o nyawa utuika, de abe o kiaka wahiguti la manga kuaha ko iwaka. De ngaro o nyawa manga tonaka ma batingi homoi-homoi ma gea mata-mata ko idadiuahi de Una wohiaturokau.”

Hidingoto 7:48

De ngaro hohiromanga ma tauika gea hato to Ma Jou ai Tau, tanu Una duru Wokokurutiye ho ko idadiua wogogere o tauoka dika abe ngone o nyawa nanga giamoka de aino hodiai. Abe gea duru imakiniiki de to Ma Jou ai demo abe ai uru ma dodofanga ma dihiraino wohitulihuku wato,

Higalioli 33:28

Ho hiadono ngini o Isiraele ma nyawa o dame dika ilaku-laku nia tonakoka naa, de ngini o Yakubu ai totoforauku nia ngioka de ko iwaka nia musu. De nia tonaka gea duru ma hasili ilamoko, abe o gandumu ma redi duru itohofoko, de ngaro nia angguru ma roehe mata-mata masara enangoo ihihofoko o hahaku kohangoe, angamoi nia tonaka ihipehaka irahai de o gagini abe o dihangoka de auku yodiriiuku.