Higalioli 32:6 - Ma Jou ai Demo-demo o Totobelohoka

⁶ Ho naa tinileha, ngini abe nidadioka o bodo ma nyawa, mode nia datorino gea abe niwihibalaha Ma Jou o Yawe ai hininga ma rorahai nginika? Done ti ngini nia Baba onaguna, de abe winitobatulaada, mode ko Unangua? Ka Una gea dika abe winihidadi la o dutu moi ma amoko nidadioka!

Higalioli 32:6 ပူးပေါင်းရင်းမြစ်များ

2 Samuele 7:24

Ngona o Isiraele ma nyawa nahidadi to Ngona ani nyawa ka hiado-adonika de ona yomahijou duru ka Ngona Ma Jou o Yaweika dika.”

Higiriiri 95:6

Ho abeika niainohi la ngone homaponuku to Una gea ai himangoka, de hatilabukuku Ma Jou o Yaweoka abe Una wonatulaada ngone, la ka idadi homahuba-huba Unangika!

Huhupu 15:16

De o hawana de o mobole Ngona nadiodaka onanguku, Ho duru ko yomasikaakaua to Ngona ani himangoka, Ani kuaha ma buturungu abe duru yahihawana ona gea, Ho abeika Ngona nodiai Ma Jou o Yawe la nahihawana, Ona yorii-riidoka dika abe hoka o hakaru manga miriidi, Ho ko yokelu-kelua ka hiadono miatilakuru manga himangino, Hokogea ngomi ani nyawa nomiduhunu abe nomibanguokau.

Huhupu 4:22

Ho kiani ngona ahao nihingahu unangika nato, ‘Hokonaa Ma Jou o Yawe ai demo ngona o koanoika: o Isiraele ma nyawa ona gea tahiromanga ahi ngofaka o domoro.

Yohanese 8:41

Ngini naa nidiai duru imaketero hoka ti ngini ma hirete nia baba yodiai.” De o Yahudi ma nyawa gea yopaluholi ato, “Notemo hokogea marai nato ngomi o homoa ma ngofaka e? Masara nako ngomi, ko o homoaua ma ngofaka ngomi naa! To ngomi mia Baba moi dika de Una gea Ma Jou.”

Hidingoto 20:28

“De naa tinihitiari moi nginika! Abe ngini kiani nimagoana ngini ma hirete done nirehene Ma Jou ai ngekomoka de aino. De nginioo kiani niagoana nia gogianongoru mata-mataika abe Ma Jou o Womaha winihitagongoka nginika la ngini nidadioka to ona manga gogoana ma nyawa. Ho Ma Jou ai gareja ma nyawa ona gea kiani ngini niapaliara irahai, angamoi Una womaijaino ai nyawa de wofangu de to Una ma hirete ai awunu!

Roma 8:15

De gea igoungu abe ngone naa hodadioka to Una ai ngofa-ngofaka. De tanu ngone homoi-homoi nanga hiningaka de hohioriki abe ai ngofa-ngofaka hodadioka angamoi Ma Jou o Womaha hiborimakeoka nanga kokihiningaka. Angamoi abeika homatailako to ngone nanga hiningaka. Abe ma dihiraino de ngone himodongo Ma Jouika abe imaketero hoka o gilaongo womatengo wimodongo ai dutuika. Masara ma oraha naa de nanga modongo Ma Jouika ko iwaka ngoneoka angamoi Ma Jou o Womaha wokarajaanga nanga hiningaka la ka idadi ngone duru hohioriki abe Ma Jou Una gea wodadioka nanga Baba. De hiadono ngone ma oraha hitemo Unangiye de hobaba Unangika de nanga hininga de ma dora.

1 Korintusu 6:20

mangale Ma Jou ngini winiijakau de nidadioka to Una ai nyawa. Ho ti ngini nia badangoka de kiani nia horomati nihimatoko Ma Jouika!

Galatia 3:26

De gea ngini mata-mataika nidadioka Ma Jou ai ngofa-ngofaka idodutu abe ma titi nia ngongakuino, ho ma oraha naa nia rimoi naga o Yesusu Kristusoka.

Galatia 4:6

De gea mangale ma titi ngone hodadioka to Una ai ngofa-ngofaka, ho hidutu Ma Jou wihidingoto ngoneuku to Una ai Ngofaka ai Womaha la Una gea womanoa to ngone nanga kokihiningaka. De ai Ngofaka ai Womaha gea ka ihikaika wokarajaanga nanga kokihiningaka la hiadono ngone duru hohioriki de hongaku abe Ma Jou wodadioka to ngone nanga Baba. Ho gea ma titi hiadono ngone ma oraha homaniata Unangiye de hobaba Unangika de nanga hininga de ma dora.

Higalioli 1:31

De gea ngini ma hirete ma dihiraino de niwimake abe hokokia nia Jou winigoana de winipaliara ma oraha nia dodagi ma goronaka abe o tonaka ma kakaahaino nitagi-tagi. De gea Una winipaliara irahai duru imaketero hoka o nyawa womatengo wipaliara ai ngofaka. De ka hokogea dika ai baliara nginika hiadono ma oraha naa abe winiao ma ngiino naa.

Higalioli 32:15

Masara ipahaino de o Isiraele, abe to Una ai nyawa gea, ona yodadi yokutufuru de ahao yotobalawana, abe ona marai yolomo ilamokoholi hiadono yogodeoka! De duru yososanangi dika masara gea de iwiporete de iwinoaika manga Jou abe watulaada, de hiadono iwihitipokouku Unangika abe wodadioka manga Duduhunu, ho Una abe hoka manga lokuhakaru ko ihelo-helorua masara ka iwietongo ko kia-kiaua.

Higalioli 32:18

Ho ona ka iwinoaika dika manga Duduhunu abe wahidoaka o wowango onangika, de hiadono duru iwiwohanga manga Jou abe manga boa ihititi Unangoka dika.

Higalioli 32:28

De ahao Ma Jou ka wotemohi wato, ‘Ahi nyawa gea duru ko iwa manga sosawaro, de duru yokangela yataoko o tobahioriki.

2 Peturusu 2:1

De igoungu ma dodihiraino naga Ma Jou ai uru ma dodofanga abe to Una ai hingahu ma demo yatobadofanga o nyawaika. Masara nagali ma oraha gea o nyawa utuoli abe onangoo yomahingahu ato naga Ma Jou ai hingahu ma demo onangoka, masara ona gea tanu ka yoelu-eluku dika. De gea imaketero abe hoka ma oraha naa nginioka, angamoi ahao idadi abe o nyawa utu naga ti nginioo nia hidogoronaka de ona gea yotobadoto-dotoko o dodotoko abe ko itiaiua. Abe ona gea yomatohi-tohiki dika o dodotoko ihiboaino abe ko ma gou-goungua, de manga dodotoko gea ka idadi ihirusaka abe to ngone nanga ngongaku nanga hiningaka. Masara ona gea, ngaro to ngone nanga Baluhu idodutu wabanguoka, ma ona gea iwiolukoka Unangika, ho ona gea ko itedekanua de Ma Jou kiani wahibinaaha ma titi to ona ma hirete manga hiningaino.

1 Yohanese 3:1

De abeika homafikirohi hokokia ma amoko Ma Jou ai dora ngoneuku! De gea itararono abe Una duru wonadora angamoi abeika Una hiadono wonahiromanga ngoneino wato ngone to Una ai ngofa-ngofaka! De gea igoungu abe ngone naa hodadioka ai ngofaka idodutu, ho genangino de ka idadi hohioriki abe to Una ai dora ngoneuku duru ilamoko! De masara nako o dunia ma nyawa, ona gea ko inahiorikua abe ngone to Una ai ngofa-ngofaka. De ufa ngone hoheranga ma titi gea, angamoi ngaro Ma Jou ma ona ko iwihiorikua Unangikaoo. Ho tanu ngaro ufa hoheranga abe ngoneoo ona ko inahiorikua ma titi Unangoka de aino hoboa.