Higalioli 32:39 - Ma Jou ai Demo-demo o Totobelohoka

³⁹ Ho naa abeika nimalega Ngohino la duru nihioriki Ngohi naa o Yawe! De duru ko iwa o jou utu yomakadaene hoka Ngohioli! Abe Ngohi dika ka idadi tahohonenge de tohiwango, de ka Ngohi dika takunu tahiodiri de ahao tahitogumoli. Nako hiadono ahi kuaha itagioka, moioo de ko iwa ka idadi ihitatoko eko ihilawana Ngohi.

Higalioli 32:39 ပူးပေါင်းရင်းမြစ်များ

2 Kokoano 5:7

Masara ka de o Isiraele ma nyawa manga koano ma hurata gea wabasa ibooto de duru wohuha ka hiadono ai pakeanga wakakihi, de wotemo onangika abe naga genangoka, wato, “Abeika o Arama ma nyawa manga koano ai gogahoko ngohino naa! De done sarakia abe una naa iwipado ahi himangoka de ngohino ai koano womagahoko la ngohi tihitogumu ai panyake o padoino? Nako to ngohi ahi kuaha ko imakadaenua abe hoka to Ma Jou ai kuaha. Ka Una dika abe ka idadi o nyawa wahohonenge de ahao wahiwangokali! O koano gea wohihioriki abe ngohi ko takunua todiai abe hoka womagahokoka ho marai ai gogahokino naa ma titi womalingiri ai ngekomo la ka idadi una de ai tentara ka idadi imiparangioli!” Hokogea o Isiraele ma nyawa manga koano wotemo de ai huha.

Higiriiri 18:31

Angamoi abeika, nako ko Ngona o Yaweua, ka onagonali yodadi ahi Jou? De nako ko ahi Jouua, ka onagonali yodadi ahi hakaru abe ko ihelo-helorua? Utu duru ko iwa!

Higiriiri 51:8

Duru tomagahoko nodiai ngohino la ahi garago ilio hoka ma dihirali, Ahi kangela naa imaketero hoka naga ahi kobongo abe natobi-tobikoka. Ho duru tomagahoko la Ngona nohihihupu ahi kangelaino naa, Ka hiadono ahi hininga iomanga de o sosanangi de ahi garago tohinyanyi.

Huhupu 15:26

Abe ai demo onangika wato, “Ngini nako nihiao irahai de nihidodiai nihihigihene Ngohi Ma Jou o Yawe, ti ngini nia Jou, de Ngohi tiniduhunu. Abe nako nianiiki itiai ahi hiaturu de ahi pareta mata-mata de Ngohi ahao ko tinihikangelaua de o popanyake abe hoka ma dihiraino de tahihohowono o Mesiiri ma nyawaika. Ngohi naa Ma Jou o Yawe abe ahi kuaha naga o popanyakeika hiadono Ngohi ka idadi tiniduhunu.” Hokogea Ma Jou wahitiari o Isiraele ma nyawaika.

Huhupu 4:7

De Ma Jou wihulokoli wato, “Ho naa nohingohamoli ani giama gea.” De o Musa wihingounoli ho wohingohamoli masara ka de ai giama wohihupuoli de abeika, ai pado ko iwaka ho ka ihira-hirali ai giama.

Tobadotoko 3:3

Naga ma oraha abe itiai la o nyawa hahohonenge, de nagali ma oraha abe koaho o nyawa hahitogumu manga kangelaino. De naga ma oraha itaana la o tau hakilianga, de nagali ma oraha abe koaho hohigoko o tau.

Yohanese 8:24

Gea ho hidutu tinihingahu tato nako ko nihingakua de ahao ngini nihonenge nia howono ma goronaka. Abe itiai tomahingahuoka de ma romanga Ngohi Naga angamoi Ngohi Ma Jouoka de taino, nako gea ngini ko niangakua, gea itaana de ahao de nia howono nihidohonenge.”

Higalioli 32:12

De ma oraha gea ka Ma Jou o Yawe dika wahihira-hira onangika, abe ko iwa o jou ma homoa ona yanii-niiki.

Higalioli 4:35

De ai datoro gea winihimatoko la genangino de winidotoko nginika abe nanga Jou Una gea o Yawe de duru ko iwa o jou utuoli abe yagou-goungu Ma Jou.

Ibarani 1:12

de ma oraha gea ahao naluluino ani dulaada gea, de naturuuru abe imaketero hoka o baju moi imulaenge ibabiti ho naluluino de naturuuru ma hungioli. Masara nako Ngona ma hirete ahao duru hokogenangua idadi Ngonaika. Angamoi Ngona duru notobawango ka hiado-adonika, de Ngona duru ko iniperekiua ho hokogea dika nogila-gila ho duru ko iwa ani bobaha.”

Himatoko 1:11

De ma ilingi gea itemo ngohino ato, “Abe naa bootino namake de ani lako, gea kiani nohitulihuku o buku moiuku de gea nohidingoto abe o gareja ma doomu tumidika. De gea ma gareja ma doomu moi o Efesusu ma kotaika nohidingoto, de o gareja moiikali abe o Semirna ma kotaka, de o gareja moioli abe o Peregamusu ma kotaka, de naga moioli abe o Tiatira ma kotaka, de nagali abe o Saridisi ma kotaka, de nagali abe o Filadelfia ma kotaka, de naga moiohi abe o Laodikia ma kotaka. Ho gea ma buku ahao kiani nohidingoto ma gareja tumidika gea.”

Himatoko 2:8

De ahao Una gea wohihulokoli wato, “Naa ngona nohitulihuku ahi demo naa abe o Semirna ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha. De Ngohi nengokadau tohonengoka masara naa Ngohi towangokali.’” Hokogea Una womahingahu.

1 Samuele 2:6

Ma Jou o Yawe ka idadi o nyawa wahohonenge, De Una dika ka idadioo o nyawa wahiwango. Ka idadi o nyawa wahidingoto ona yohone-honenge ma ngiika, De ka idadioo ona wahigilioli o wowango ma ngiino.