De ma moiuku o Lameke wahingahu ai sade ngoi feka-fekatika wato, “Niaino o ngo Ada de o ngo Sila la ahi demo niihene, Ngohi naa o Lameke totemo ho ngini ngohi feka-fekata kiani nitotoihene, Naa tagou-goungu, nako naga womatengo wohihinabo una gea ka titomaka, Ngaro una ka o goohi ma ka de wohipoha dika de titomaka.
Higalioli 32:35 - Ma Jou ai Demo-demo o Totobelohoka35 Ho ahao ma oraha adonoka de Ngohi tahibalaha onangika, de ko itedekanokaua de ahao manga hibinaaha iboa onangika, de gea ahao manga hohowono ma amoko imataiti dika yadaene onanguku. အခန်းကိုကြည့်ပါ။ |
Higalioli 32:35
34 ပူးပေါင်းရင်းမြစ်များ
Ho naa Musa, noiki o Isiraele ma nyawa nahigila-gila o behehongo ma tonakika abe Ngohi tahibehehongoka. De abeika, ahi malaekata ahao ka ihikaika winihihira-hira nia dodagi ma goronaika. Masara ngaro hokogea ma, ahao naga ma oraha Ngohi tatutumu la tahohowono onangika, de gea ahao ihititi manga howono Ngohino naa.” Hokogea Ma Jou wihibehehongo o Musaika.
Abe ngini utu niwimia-mia de hiadono niwidimoaka Ma Jou o Yaweika niato, “Abeika Una womasikaa la wonahimatoko ai kuaha ngoneino! Kiani womataiti woaguru la ngone ka idadi hamake ai bobuturungu! Duru hoigo hohioriki abe ngone o Isiraele nanga Koano ai hidee hokokia!” Hokogea niwidimoaka Ma Jou o Yaweika!
De ahi demo naa ma dola ko ma titiua ma oraha naa dika de gea idadi masara nia himangoka de ahao naga ma oraha idadi. Abe marai ngini niataoko itedekanaholi abe ko idadiuahi ahi demo masara kiani nimatongohono dika. Angamoi duru igou-goungu ahi demo, ho ahao naga ma oraha abe idadi de gea tanu ko ikapaangua.
De ahi gogianongoru abe duru tinidora nginika, ngaro o nyawa inihikangela nginika masara ufa nimahibalaha onangika, ma koaho niwihidoaka Ma Jouika la Una dika ai hohowono o ngamoino itagi onangika. Angamoi ma dodihiraino de naga ihitulihukuoka Ma Jou ai demo abe Una wotemo wato, “Nako o hibalaha, gea to Ngohi naa ahi kuahaka. De Ngohi naa ahao tahibalaha o nyawaika ma titi to ona manga datoro ma dorou.” Hokogea to ngone nanga Baluhu idodutu wotemo.
Ho ngini mata-mata abe o Horogaka nigogere, koaho ngini nigogarago ma titi Ngohi naa tolaku-laku, abe ngini o jou-jou o Horogaka naa, irahai ngini mata-mata nimahuba-huba Ngohino. De hokogenangoo ngini abe ko o Isiraele ma nyawaua, nginioo mata-mata kiani nigogarago dika ka ma moi de to Ngohi ahi Isiraele ma nyawa. Angamoi Ngohi naa ahao tahibalaha ahi nyawa yatoma-tomaka manga awunu, hiadono ahi musu manga dodotoko kohadubuho yadaene. De ahao ona abe ihidohata Ngohino tadotoko onangika ka hiadono ahi nyawa manga tonaka tahiofi ho itebinokali.’ Hokogea to Ngohi ahi koboto ma demo.”
Angamoi nako to Una ai hininga abe wato wahohowono onangika, gea ngone hohiorikoka abe duru imakiniiki de ai hininga de ai demo abe ma dodihiraino de ihitulihukuoka. Abe ma dodihiraino Ma Jou wotemo wato, “Nako o hibalaha, gea to Ngohi naa ahi kuahaka. De Ngohi naa ahao tahibalaha o nyawaika ma titi to ona manga datoro ma dorou.” De tanu ai hininga gea ka onangikaua dika abe ko iwingaku-ngakua, masara ngoneinoo abe hodadioka to Una ai nyawa. Angamoi naga moioli ai demo ma dodihiraino abe Una wotemo wato, “Ngohi ahao taurusu de tahohowono to Ngohi ahi nyawaika.”
De naga moiohi ai Demo-demoino abe imakiniiki de itemo ato, “Una gea hoka o hakaru abe idadioka o bebeleke o nyawaika de genangino de ahao ona yorubauku.” Hokogea ma dodihiraino ihitulihukuoka. De genangino inahitararono abe ma titi o nyawa manga hohowono nako ona ko yangakua Ma Jou ai Demo-demoika abe ma titi o Kristusu. Angamoi naga ma hitararono Ma Jou ai Demo-demoka abe inahitararono ma titi o Yesusu Kristusu Una gea Ma Jouoka de waino woboa. Ho onagona dika abe yoluku yangaku ai Demoika gea abe ma titi o Yesusu Kristusu, ona gea imaketero hoka Unangika iwipeleke de yorubauku hiadono manga hingounu ko iwa Ma Jouika. De ona gea ahao kiani manga hohowono yamake abe imaketero hoka ma dodihirainohi Ma Jou wahideeoka onangika. Angamoi gea Una wato nako onagona dika ko yangakua ai Demoika, ona gea ma bahauku de ahao manga hohowono kiani yakokimake.
De abe ma titi ona yotobadoto-dotoko ko itiaiua, mangale ona gea duru yohafini o tiwika, ho ona gea ahao inirusi-rusi ngini ma titi manga dodotoko ma demoino la gea yomatiwi-tiwi dika nginioka. De gea manga demo ka yofeto-feto dika, de ko iwa ma titi genangino. Masara duru ma deka-dekanuku de Ma Jou waputuhokau abe ahao hokokia yamake manga hohowono, de manga bobinaaha gea ko wawohangua masara ka itigi moduku. Ho ngini ufa niahigihene onangika gea.
ကြော်ငြာတွေ