Higalioli 32:32 - Ma Jou ai Demo-demo o Totobelohoka

³² De manga musu gea Ngohi taetongo tato ona manga hininga duru itotorou dika. Abe ona yomaketero hoka o Sodomo de o Gomora ma nyawa manga hiningali. Ho Ngohi tahiketero ona de o angguru ma roehe ma dorou, de manga angguru ma hofoko de ma bihaka, de ngaro ma hofoko ma hahaku masara enangoo duru imali dika.

Higalioli 32:32 ပူးပေါင်းရင်းမြစ်များ

Yesaya 5:4

“De Ngohi ka o kiali ka idadi todiai la tobaliara irahai ahi redi la ma hasili irahai? De adodoa ho ahi redi ihihofoko de ihihidoaka o fuhuku ma hofoko ma suka-suka? Angamoi Ngohi duru tonganono ma hofoko ma muti-mutiti genangino.”

Yeremia 2:21

Masara ma dodihiraino gea de ngini tinietongo hoka o angguru ma roehe duru ma rorahai ho Ngohi tinidatomo ahi tonakoka. Masara ipahaino de ahi datomo gea imaturuuruoka, abe ma titi ngini nidadioka hoka o angguru ma roehe ma fuhuku ho ti ngini nia hofoko duru itorou de iwederoka. Ho ngini done ma titi o kia hiadono nimahitorouoka hokogea?

Matiusu 11:24

Ho naa tinihingahuohi ngini o Kapenaumu ma nyawaika abe ahao dokengika o hohowono ma wangeoka de nako ngini de ona abe wahibobinaahaka o Sodomoka, ma ka ti nginiohi nia hohowono duru itubuho ma titi ngini ko nitobaua ma oraha niamake ahi heheranga abe todiaioka nginioka.”

Higalioli 29:18

Ho ngohi tinihitiari nginika la duru ko moiua nia hidogoronaka abe nimahirehene Ma Jouino la nianiikoli o homoa ma nyawa gea manga jou-jou. Ufa hiadono naga nia hininga hokogea nginioka, abe ngaro o nauru eko o ngofeka eko nia doomu moi eko nia dutu moi masara duru ko idadiua nirehene hokogea. Angamoi nako naga nginioka abe yaniiki manga jou ma homoa, ahao done hiadono to ona manga hininga gea imahora-hora ngini utuikali hiadono ko nia ngoe inihirehenoka nginioo.

Higalioli 32:33

Ho to ona manga angguru ma teongo de ma bihaka, abe imakadaene dika de o dodiha ma biha inataduku.

Ibarani 12:15

De ngini kiani nimakokelega ti ngini mata-mata nia perelu nia boringongakuoka homoi-homoioka, de nimahiketehitiari done utu nginioka yorehenoka nia ngongakuino. Abe done naga utu abe yorehene hiadono manga hiningaka yomaputuhu la ato ko iwiniikokaua Ma Jou de gea ahao to Una ai hiowaikaoo, ma enangoo ma yaolukoka. De gea done hiadono to ona manga hininga gea imahora-hora ngini utuikali hiadono ko nia ngoe inihirehenoka nginioo.