Higalioli 32:26 - Ma Jou ai Demo-demo o Totobelohoka

²⁶ De Ngohi ahi hininga tanu toigo la tahibinaaha dika onangika, la hiadono o homoa ma nyawa ka idadi yawohangika dika o Isiraele ma nyawa.

Higalioli 32:26 ပူးပေါင်းရင်းမြစ်များ

Higiriiri 34:16

Masara Ma Jou o Yawe walawana onangika abe yotobadiai itotorou. De manga ade-ade Una ahao waofi o dunia ma lokuoka, De ka hiadono o nyawa mata-mata manga hiningaino wakokiofi.

Higiriiri 34:17

Ma, abeika ona abe manga wowango ma datoro itiai, Ka de yomaniata Ma Jou o Yaweiye, yomagahoko o duduhunu, De Una wahigihene de manga kangela mata-mataino wahihupu.

Huhupu 32:12

Ho naa nako ani nyawa nahibinaaha de ahao o Mesiiri ma nyawa yosanangi hiadono done ahao manga demo o hohedu Ngonaika. Ona ahao yotemo, ato, ‘Abeika, manga jou ai hininga duru wabudi hiadono ona waofi o dunia ma lokuino. Abe ona wahihupu nenangino la wao o tonaka utuika de wakokitoma o loku-lokuoka genangoka.’ Ahi Jou, done hokogea manga hohedu ma demo Ngonaika ho koaho ibootoka ani ngamo onangika. Ngohi togahoko ahi Jou ani hininga naturuuru onangika la ufa nahibinaaha.

Lukasa 21:24

De utu ma oraha gea yohonenge ma titi o humarangino, de utu yataokino de yaoika o tonaka utuikali. De o Yerusaleeme ma kota ahao ona ko o Yahudi ma nyawaua yahikala enangika de adoko-doko ma kotaka gea. De ona gea ka ihikaika yadoko ka hiadono to ona manga oraha ko iwaka ho gea ahao ko yahiparetakaua.”

Higalioli 4:27

Abe Una ahao duru winihikabarihi o tonaka ma ngoeika la kiani ngini nimadioniki dika o homoa ma nyawa-nyawaka, de gea ngini nia ngoe nihutuloka ma tona-tonakoka gea.