Higalioli 32:13 - Ma Jou ai Demo-demo o Totobelohoka

¹³ De gea wahiakunu la ka idadi yotagi-tagi o tonakoka abe itoporoniye, de ona ka idadi yolo-olomo to ena ma redi ma hasilino. Una wahidailako o ofungu ma gula abe o lokuhakaru ma bakorino, de o saitunu ma minya ka idadi wahidoaka onangika ngaro ma tonaka gea o hakaru mata-mataika.

Higalioli 32:13 ပူးပေါင်းရင်းမြစ်များ

2 Samuele 22:34

De Ngona nohihiakunu la ma oraha o loku ma geleforiye todoaiye de ufa ahi lou ihooro de ihiotaka ma geleforuku.

Higiriiri 18:33

De Ngona nohihiakunu la ma oraha o loku ma geleforiye todoaiye de ufa ahi lou ihooro de ihiotaka ma geleforuku.

Higalioli 33:26

De ahao o Musa wohibobaha ai demo gea abe wotemo o Isiraele ma nyawa mata-mata manga hima-himangoka wato, “Ngini o Isiraele ma nyawa, abeika nitotoihene ahi demoino naa, abe Ma Jou duru wonadora ngone to Una ma hirete ai nyawa. De Una gea, o jou mata-mataino masara moioo de ko iwa abe yomakadaene hoka Unangoli. Abe Una ka idadi o lobi-lobi wofarene hoka ai goroba parangi, ho Una daku ma dihangoka wotagi o lobi-lobioka, de abeika Una woboa daku de wauku la wonaduhunu ngone naanguku!

Higalioli 33:29

Ho ngini naa o Isiraele ma nyawa nia hiowa duru kohangoe niamakeoka! De ngaro o nyawa mata-mataika masara ka ngini dika abe Ma Jou o Yawe winiduhunu nginika, ho ka ti nginiohi nia utumu duru ilago-agomo abe nako de o nyawa utu mata-mata! Abe Una ma hirete wodadioka ti ngini nia dadatoko, de ka idadi hihiromanga hato Una hoka nia humaranga abe duru ka ihikaika itobalaku! Ho hiadono nia musu ka yomaponuku dika nia himangoka ma titi manga modongo, de ngini ka idadi niadoko-doko onanguku angamoi ona duru yokalaka.” De hokogea dika aika o Musa ai hiowa ma demo o Isiraele ma nyawa mata-mataika abe ma oraha itigioka ai wowango ma baha.