Higalioli 32:12 - Ma Jou ai Demo-demo o Totobelohoka

¹² De ma oraha gea ka Ma Jou o Yawe dika wahihira-hira onangika, abe ko iwa o jou ma homoa ona yanii-niiki.

Higalioli 32:12 ပူးပေါင်းရင်းမြစ်များ

Higiriiri 27:11

Naa ngohi toboa Ngonaino Ma Jou o Yawe, Tomagahoko la nohidotoko ahi wowangoka, Nohidotoko la ahi datoro duru itiai ani himangoka. Nohihihira-hira ahi ngekomika la duru itiaiika, De angamoi naga to ngohi ahi musu ona ihigoana, La ona yoigo toruba o howonika manga himangoka.

Hosea 11:4

Abe ka idadi tahiketero ona hoka o hapi o dutu moi. De ahi hapi gea tohidodiai tohihira-hira de o tali, de to ena ma gina tagoraka ma poretino la yamao iuwini, de hongoli Ngohi ma hirete tomaponukuku la tatoofo.

Higalioli 1:31

De gea ngini ma hirete ma dihiraino de niwimake abe hokokia nia Jou winigoana de winipaliara ma oraha nia dodagi ma goronaka abe o tonaka ma kakaahaino nitagi-tagi. De gea Una winipaliara irahai duru imaketero hoka o nyawa womatengo wipaliara ai ngofaka. De ka hokogea dika ai baliara nginika hiadono ma oraha naa abe winiao ma ngiino naa.

Higalioli 32:39

Ho naa abeika nimalega Ngohino la duru nihioriki Ngohi naa o Yawe! De duru ko iwa o jou utu yomakadaene hoka Ngohioli! Abe Ngohi dika ka idadi tahohonenge de tohiwango, de ka Ngohi dika takunu tahiodiri de ahao tahitogumoli. Nako hiadono ahi kuaha itagioka, moioo de ko iwa ka idadi ihitatoko eko ihilawana Ngohi.

Higalioli 4:35

De ai datoro gea winihimatoko la genangino de winidotoko nginika abe nanga Jou Una gea o Yawe de duru ko iwa o jou utuoli abe yagou-goungu Ma Jou.

Higalioli 4:39

“Ho o wange naa ngini kiani niongano-nganono de ufa niawohangika abe nanga Jou o Yawe ka Una dika Ma Jou o Horogaka de o duniauku naa. Duru ko iwa utu nanga Jou!

Yosua 24:17

Abeika, nanga gogianongoru ma dihira o Mesiiri ma nyawa yahidadi manga huhuloko dika de ahao Ma Jou o Yawe, to ngone nanga Jou, Una wahihupu manga kokangela ma karajaangino o Mesiiri ma tonakoka! Una wodiai o heheranga duru ma amoko hiadono ngoneoo de nanga lako ma hirete hamakeoka! De gea Una abe wonapaliara nanga dodagino abe o tonaka ma kakaahaino de wonaduhunu ma oraha ngone naga nanga musu manga hidogoronaka ka hiadono ngone ka howangohi o wange naa!