De o dunia ena gea ihira ko iwahi ma rupa, abe hoka ma oraha naa, de ko iwahi ma kiahonanga abe hoka ma oraha naa iwangoiye o dunia ma lokuoka. De mata-mataika ka o akere ma ngootohi abe ka ikapusakohi. De ma ngooto gea atamunokahi de o fufutuohi hiadono mata-mataika duru ka ihidofufutuokahi. Masara Ma Jou ai Womaha de ai kuahaka naga womawooto o akere ma ngooto ma lokuino gea.
Higalioli 32:11 - Ma Jou ai Demo-demo o Totobelohoka11 Ho Una hoka o koloba ma mayo abe itobagoana to ena ma ngofaka, de itobadama-dama / itobangooto ma ngofaka ma lokuiye la ka idadi yoduhunu. De Unangoo imaketero hoka ai gafuufu wohirefe la wohihoho dakuiye, la ufa o bodito ka idadi yadaene. အခန်းကိုကြည့်ပါ။ |
Higalioli 32:11
13 ပူးပေါင်းရင်းမြစ်များ
‘Ngini de ti ngini nia lako niamake mata-mata gea abe Ngohi todiaioka o Mesiiri ma nyawaika la tinihihupu to ona manga kuahaino. De Ngohi tiniao nenangino la tinitoomuino Ngohino. De gea Ngohi tiniao hoka o totaleo o rajawali ma dimono abe de ma buturungu ihihoho ma ngofaka. De hokogenangoli de Ngohi tiniao nenangino de ahi buturungu abe ko ti nginiua nia buturungoka de aino hiadono nimahihupu.
Masara onagona dika yomahinganono Ma Jou o Yaweika ona ahao yamake manga buturungu ma hungi Unangoka. De ona ka dau de yomahiburahiye de yotagi-tagi de ko yaboleua. De hongoli ona ka idadi yomapopaata de manga badanga ko yolamaanua. De nako hahiketero ona de o koloba, gea ona ka idadi yohoho duru ikurutiye ma titi ma gafuufu ma bobuturungu. De hokogea Una wahiputurungu onangika abe yomahinganono ai duduhunika.
De gea Ngohi ma hirete abe ma dihiraino de tadotoko o Isiraele ma nyawaika gea, abe imaketero hoka ona o ngofaka womatengo, ho Ngohi taso manga giamino de ka ihikaika tao la hiadono ka idadi ona ihioriki yotagi. De ngaro tadotoko de tapaliara hokogea masara barikua de ona ko ihihiorikua abe gea Ngohi tapaliara onangika.
De o Musa ai hiowa ma demo abe ihidumutu o Benyamini ma nyawaika hokonaa, wato, “O Benyamini ma nyawa, ona gea Ma Jou o Yawe duru wadora onangika, de ona yowango yosanangi dika to Una ai datekoka. Abe Una ka ihikaika watobagoa-goana, de wahigororomino arihononga la ufa o bodito o kia dika idadi onangika.”
De gea to ngone nanga ngongakuino ma titi hiadono ka idadi homangaratii abe o dunia naa Ma Jou wotulaada ai demoino dika. Angamoi ai dulaada abe naa ka idadi hamake de nanga lako, gea idadi ai kuahaino abe ai kuaha gea duru ko idadiua hamake. Ho gea nako hoka ngone ko iwa nanga ngongaku, gea ko idadiua homangaratii abe ai dulaada naa o kiaka de aino idadi.
Masara naga imihidoaka ma ngofekaika o gafuufu hinooto abe ma rupa hoka o koloba ma amoko ma gafuufu la ka idadi mohoho moara ami ngiika abe ma hoanoka o kiaka ko iwa o nyawa genangoka. De ami ngioka gea ahao imipaliara abe ami taongo hange de ma honongaino ma dekana, de ma naga gea ko idadiua imiadono ami ngiika gea ho ko akunua imibodito munangika.
De o naga ma bikini gea yapake la ihiparihi o murumu la ipuraraha ma dihangoka de auku dau o duniauku. Abe nako o murumu mata-mata ma dihangoka haetongo de haregu hange, gea o regu moi ma aewani akokipurarahoka naa o duniauku. De ahao ma naga gea iloiki ma ngofekaika gea abe ami gahe itigioka la momagerewoto de imaokoino ami himangoka la ato nako hiadono momaguwinoka de ahao ami ngofaka gea ka idadi iwile de iwilahiroka dika.
ကြော်ငြာတွေ