Higalioli 31:19 - Ma Jou ai Demo-demo o Totobelohoka

¹⁹ De Ma Jou ka wotemohi ona yahinootoika wato, “Naa tinihidoaka o nyanyianga moi, ho kiani ngini nihitulihuku to ena ma demo de niadotoko o Isiraele ma nyawaika. Ona kiani yomadotoko gea hiadono duru yahioriki ma dola, la to ena ma demo gea idadi hoka o hakihii ma nyawa onangika.

Higalioli 31:19 ပူးပေါင်းရင်းမြစ်များ

Higalioli 6:7

De kiani ma pareta ma demo gea niatobadotoko nia ngofa-ngofakika. Abe ma oraha ngini naga nigogeruku nia tauoka de ka idadi nimakoketemo ma titi ma demo gea. De ngaro ma oraha nitagi-tagi o ngekomika, de ma oraha nimaidu, de abe ma oraha nimamaoino, masara gea mata-mata ma oraha ka idadi niapake la ma demo gea nimahiketehihohininga.

Higalioli 31:26

De hokonaa ai huhuloko ma demo wato, “Ma Pareta ma buku ma lulu naa ngini niale de niloiki Ma Jou o Yawe ai Petika. De nimahiadonika de kiani ngini nikelenga ai Peti ma datekoka la genangoka dika imanoa de idadi hoka o hakihii ma demo abe ahao inihitaana nia howo-howono nginika.

Yohanese 12:48

Ma, ona abe ihioluku Ngohi de ahi demo ko ihigihenua, to ona manga hohowono naga. Abe ahao ma oraha ihiromanga o wange ma baha, de ahao gea ahi demo ma dihira Ngohi totemokau, gea ena yahohowono o binaahaika.

Higalioli 31:30

De ipahaino de o Isiraele ma nyawa mata-mata yomatoomuino o Musa ai himangoka la ka idadi yoihene ai demo. De yomatoomuinoka de ahao una wobasa o nyanyianga ma demo naa mata-mata onangika, abe ma demo duru ihira-hira ka hiadono ma demo ma baha masara gea mata-mata wobasa onangika.

Higalioli 11:19

De kiani nia ngofa-ngofakika ka ihikaika niadotoko ma pareta ma demo gea. Abe ngaro nigogeruku nia tau ma goronaka de ngaro nitagi-tagi ma ngekomika, de ngaro ma oraha nimaidu de abe ma oraha nimamaoino, masara gea mata-mata ma oraha ka idadi niapake la niatobadotoko onangika.

Matiusu 10:18

De nagali ahao o gogubernuuru de o kokoano manga hima-himangoka nimaokoino angamoi o nyawa initae nginika abe ma titi ngini nihinii-niiki Ngohi. De genangoka ngini ka idadi nimahingahu onangika ma titi nia ngongaku Ngohino. De gea hiadono ona utu ko o Yahudi ma nyawaua abe naga genangoka, onangikaoo ka idadi nimahingahu ma titi Ngohi.

Huhupu 4:15

Ho ngini inihinooto nimakiniiki de o Harunu ahao tihidadi ani uru ma dodofanga o nyawaika hiadono o kia dika Ngohi Ma Jou tonihingahu ngonaika gea ahao nihingahuoli ani riakika la una ahao wotemo-temo onangika abe ahao tinihidumutu. Hokogea Ngohi tinidotoko inihinootoika la gea nihioriki o kia nidiai de o kia nitemo.

Higalioli 31:18

De gea duru igoungu abe Ngohi tomagogono onangino de ko taduhunokaua angamoi to ona manga datoro ma dorou ifoloiholi. De manga dorou gea ma titi ona yomahijou o jou ma homoaika.”

Higalioli 32:1

De hokonaa ma nyanyianga ma demo abe o Musa wobasa onangika, itemo ato, “Abeika nitotoihene ahi demoino, ngaro ngini mata-mata o Horogaka nigogere, de ngaro nginioli o duniaka mata-mataika.

Yosua 24:27

Gea mata-mata o Yosua wobootoka de ahao watemo ona mata-mataika wato, “O hakaru ma amoko naa Ma Jou o Yawe ai demo mata-mata abe womihingahu o wange naa enangoo iihenoka. Ho ma hakaru naa ahao duru inihitaana nia howono abe nako idadioka ngini ko nianiikokaua ti ngini nia behehongo ma demo Ma Jouika.”