Higalioli 30:8 - Ma Jou ai Demo-demo o Totobelohoka

⁸ De gea ahao idadiokali abe ngini niwihingounu Ma Jou o Yawe de ka ihikaika nianii-niiki to Una ai hiaturu de ai pareta ma demo abe kangano tinihingahuoka.”

Higalioli 30:8 ပူးပေါင်းရင်းမြစ်များ

Efesusu 2:16

De gea wonahikadame ma titi ai hohonenge o gotaino de gea waofioka to ngone nanga dohata abe nengokadauino ka homakodohatohi ngini de ngomi. Ho gea wonahikadameokahi ngone naa o doomu moioka, de ahao Ma Jou wonahiketerimoi ngone de Unangoli la ka idadi nanga gogao Unangika naga.

Higalioli 30:2

De irahai ma oraha gea ngini de nia totoforauku nimaputuhu la niwigilioli Unangika de naga nia hingounu to Una ai demoika. Abe nako ngini niwiniiki Unangika de nia hininga ma gahumu de nia wowango ma gahumu,

Higalioli 30:7

De nagali abe ma oraha gea de ahao Ma Jou ko winihohowonokaua nginika masara ti ngini nia musu onangikali ahao yadaene ma hohowono gea. Ho ona abe inidohata de inihikangela nginika ahao yamake manga hohowono.

Higalioli 30:9

“De ahao ma oraha gea de Ma Jou duru winihiowa nia giama ma karajaanga hiadono duru ma hasili ifoloiholi, de ngaro nia ngofa-ngofaka de nia duduono ma ngofa-ngofaka de nia redi ma joro masara gea mata-mata Una ahao winihidogo nginika la duru iwoeholi. Angamoi gea de ahao Una duru womorene nginika de wosanangi winihiowa abe imaketero dika hoka ma dihiraino de wahiowa ti ngini nia totoforaika.

Filiipi 2:13

Abe ngini ka niakunu Ma Jou ai mau nianiiki mangale ma titi Una ma hirete wokarajaanga nia kokihiningaka la hiadono nioigo nianiiki ai mau. De Una wokarajaanga nia kokibadangokaoo la nia buturungu naga. Ho ma titi duru Ma Jouoka de aino hiadono ka idadi niakunu Ma Jou niwihisanangi.