Higalioli 30:14 - Ma Jou ai Demo-demo o Totobelohoka

¹⁴ Duru hokogenangua, angamoi to Una ai demo duru ma digi-digino, abe gea imanoa ti ngini nia uru ma kaiino de nagali nia hininga ma goronaka, ho ngini ka idadi niapoa nianiiki enangika de gea ko ihuhaua.”

Higalioli 30:14 ပူးပေါင်းရင်းမြစ်များ

Matiusu 7:21

De o Yesusu wogila-gilali wadotoko onangika wato, “Naga o nyawa manga ngoe yomahibaluhu Ngohino ho ihiahoko Ngohino ato, ‘Ahi Baluhu.’ Masara ko ma titiua o nyawa manga demoino hiadono Ma Jou wadafongo abe ma oraha wahikoano ai nyawa. De naa tinihingahu abe naga o nyawa utu abe ngaro Ngohino ihibaluhu masara ona dokena nanga himangika de Ma Jou ko wadafongua angamoi ko iwa manga hingounu. Ho ona dika abe yatobahingounu de yatobaniiki ahi Baba o Horogaka ai mau, ona gea dika abe Una ka idadi wadafongo.

Yohanese 5:46

Masara nako igoungu niwingaku gea kiani Ngohioo nihingakuoka angamoi ma titi o Musa wotulihi, ma titi Ngohi naa.

Hidingoto 13:26

“Ahi gogianongoru, ngini utu o Abarahaama ai totoforauku ho nidadioka o Isiraele ma nyawa. De naga ngini utuoli abe ko o Yahudi ma nyawaua masara niwihoromati de nimahuba-huba Ma Jouika. Ho naa ngohi tinihingahu ngini mata-mataika abe Ma Jou ai duduhunu ma abari naa ihidumutu ngone mata-mataino!

Higalioli 30:13

De hokogenangoo to Una ai demo ko imanoaua doka o gahi ma ngooto ma honongaka abe duru kohagurutika. Ho ngaro ufa nimakeleha niato, ‘Done onagona yomahihora doka ma ngooto ma honongaika de yao ai demo gea ma gurutoka de aino la ka idadi ngone naa hotoihene de hiadono naga nanga hingounu enangika?’

Higalioli 30:15

De ahao o Musa wahigaro onangika wato, “Abeika, o wange naa tinihingahuoka ti ngini nia ngiiriki hinooto. Abe nako ma ngekomo moi nimangiiriki gea ma hasili ahao niamake ma owa kohangoe de nia wowango ka ma rorahai dika. Masara nako ma ngekomo moioli nimangiiriki gea ahao o kokangela de o hone-honenge dika niamake.