Abeika, o wange naa de parahaja dika tomaredi de Ngona ko nohidafongokaua ho Ngonaka tomatingakoka. Ngohi kiani ka ihikaika totagi-tagi dika de ahi dodogumu ko iwa o duniaka. Ho ngohi naa ahao ka ihikaika o nyawa ihimake hoka o homoa ma nyawa ho done ka de ihimake de ihihidee la ato ihitoma.” Hokogea o Kaini ai hawana ma demo.
Higalioli 30:1 - Ma Jou ai Demo-demo o Totobelohoka1 De o Musa ka wotemohi onangika wato, “De ahao naga ma oraha nanga himangoka abe ngini niamakeoka Ma Jou ai hiowa de ai hohowono mata-mata abe kangano tinihingahuokau. De ma oraha gea ngini nimanoa o homoa ma nyawa manga tona-tonakoka angamoi ti ngini nia Jou o Yawe winihikabarihika genangika. Ho gea koaho ngini nimahihohininga ma titi ahi hitiari ma demo nginika o wange naa. အခန်းကိုကြည့်ပါ။ |
Higalioli 30:1
25 ပူးပေါင်းရင်းမြစ်များ
Masara ngaro hokogea Ngohi tinihikabarihoka masara ngini nako nilio Ngohi nia Jouino de nianiikoli ahi behehongo de ahao ma oraha gea tinidafongoli. Abe ngaro nia nyawa abe tahihupu nia tonakino hiadono manga gogere naga o tonaka abe imakitingaka de to ona manga tonaka duru kohagurutika, masara ka idadi ahao tahigilioli. De angamoi manga tonaka gea ena abe Ngohi tairikoka la idadi ahi gogere ma ngi. De ahi mau la ahi gogere ma ngioka gea o nyawa ahi romanga yagorakiye de manga horomatioka.’”
Ho gea ka idadi nilio Ngohino, masara naga moi kiani nimahingahu la itararono. Abe kiani nimangaku ma titi nia howo-howono angamoi niatilakuroka to Ngohi Ma Jou o Yawe ahi demoika. Ho ngini kiani nimangaku abe nimahidoakoka o jou de o pangao utuika la nimahuba-huba enangika o gota ma timi-timiuku. De abe ahi pareta ma demo nginika niatilakuroka, enangoo kiani nimahingahu la ka idadi nanga gogao ilioli abe hoka ma dihiraino.
“De ahao una wongano-nganono ma titi to una ai wowango ma datoro ma dorou, de ma bahauku de womatoduba ho ai hininga ilioli abe hoka ma dodihirali. De gea una womatemo wato, ‘Ahi baba ai tauoka de ko iwa ma kuranga! Abe ngaro to una ai duduhunu wahewa-hewa ma onangoo yolomo hiadono yapunuhoka de nagahi manga boloi. Masara ngohi naa ahao tohonenge ma titi o hafini ma amoko abe ihidotadaene nenangoka!
De genangoo ma titi hiadono Ma Jou hoka wakiwuku ai nyawa manga tonakoka de yaino de wakiniiki o tonaka moiikali. Gea mata-mata idadi mangale ma titi to Una ai ngamo duru kohaamoko onangika, de gea marai duru itararono hamake o wange naa.’ Marai hokogea ahao o homoa ma nyawa yomakoketemo nako ma oraha adonoka.”
De ahao o Musa wahigaro onangika wato, “Abeika, o wange naa tinihingahuoka ti ngini nia ngiiriki hinooto. Abe nako ma ngekomo moi nimangiiriki gea ma hasili ahao niamake ma owa kohangoe de nia wowango ka ma rorahai dika. Masara nako ma ngekomo moioli nimangiiriki gea ahao o kokangela de o hone-honenge dika niamake.
“Kangano tinihingahuoka abe naga nia ngiiriki hinooto, de naa marai ngohi duru tinihigaro la nimahidodiai nimangiiriki. Angamoi marai o dunia naa de ma dihangoo idadi hoka o hakihii ma nyawa angamoi ena mata-mata yoihene ahi demo nginika. Abe ngini nimangiiriki o wowango eko o hone-honenge. De gea nimangiiriki o hiowa eko o hohowono. Hokogea ti ngini nia ngiiriki, ho ngohi duru tinihigaro nginika la o wowango dika nimangiiriki la nia wowango ahao duru de ma sosanangioka!
De ahao Ngohi Ma Jou o Yawe tahibalaha la ahi nyawa ka idadi o totiai yamake, de ahi hininga ma dora ma hiokoo itagi ahi nyawaika. Abe ma oraha gea Ngohi tomalega onangika de tamake abe ko yomangakunokaua, de ona gea duru yohutuloka, abe ngaro o gilaongo ma nyawa eko ona abe ko o gilaongua, masara ngade-ngade yohotumoka mata-mata.”
ကြော်ငြာတွေ