Higalioli 3:6 - Ma Jou ai Demo-demo o Totobelohoka

⁶ Ho gea o Basana ma tonaka duru hahibinaaha enangika abe imakadaene dika de ma dihiraino abe o Hesebono manga koano o Sihono duru hihikala. Abe o Basanokaoo de duru hahibinaaha la imakiniiki de nanga Jou ai huhuloko ngoneino wato ufa naga o nyawa gea manga hou. Ho ngaro o nau-nauru de o ngo-ngofeka de o ngofa-ngofaka masara ona mata-mata hahohonenge dika.

Higalioli 3:6 ပူးပေါင်းရင်းမြစ်များ

Gegetongo 21:2

De ahao o Isiraele ma nyawa yomaniata de iwihibehehongo Ma Jou o Yaweika, ato, “Mia Jou, nako Ngona ahao nomiduhunu la hiadono o Arada ma nyawa gea miahikala de ahao ngomi mimahihuba de o uku Ngonaika manga kota-kotaka hiadono moioo de ko iwa abe mimadumungu manga kiahonangino.” Hokogea manga niniata ma demo.

Higalioli 2:24

De ahao o Musa wohigila-gila ai demo wato, “De ngone hatilakuroka o Moaba ma tonaka gea de ahao Ma Jou wonatemo wato, ‘Ngini niloikohi o Arono ma akerika la nimahihora doka ma honongaika. De abe nimahiadono doka ma tonakika gea de abeika, Ngohi ahao tinihidoaka la ngini ka idadi niahikala o Amori ma nyawa de manga koano o Sihono, abe to una ai kadera imanoa o Hesebono ma kotaka. Abe ona de manga tonaka ka ma moi tinihidoaka ti ngini nia giama ma hoatika, ho ngini kiani nimasikaa la niloiki de nimaketeparangi de ona la ka idadi manga tonaka nimahitingini dika!

Higalioli 2:34

De to ona manga kapo-kapongo de manga kota-kota mata-mata hahikala de homahitongone. De abe manga nyawa gea ona mata-mata hahohowono de o hone-honenge angamoi hokogea Ma Jou ai hohowono onangika. Ho ngaro manga ngo-ngofeka de manga ngofa-ngofaka masara ona mata-mata hahohonenge la duru ko yaiwaka ma nyawa gea.

Higalioli 29:6

De ma oraha gea ngini o roti ko niolo-olomua de o angguru de o daluku duru ko niokerua, de ngaro hokogea masara Ngohi ka ihikaika tinihidailako nia badanga ma perelu la ka idadi nihihioriki abe Ngohi naa nia Jou o Yawe!”

Higalioli 3:2

Masara gea Ma Jou o Yawe wohihingahu ngohino wato, ‘Ngaro ufa dika de ngini niwimodongo manga koanoika gea, angamoi Ngohi naa tinihidoaka la niahikala o Ogo gea de ai tentara mata-mataika. De ahao Ngohi tinihidoaka to ona manga tonaka mata-mata nginika. Ho kiani ngini niwidiai ma koanoika abe imaketero dika hoka ma dihiraino de niwidiai o Sihonika abe una gea o Amori ma nyawa manga koano de abe wogogere de wahipareta o Hesebono ma kotaka.’ Hokogea nanga Jou ai demo ngohino ma dihiraino gea.”

Higalioli 3:5

De ma kota homoi-homoi gea duru ipoputurungu angamoi naga to ena ma dadaduhu ma gogurutiye, de ma dadaduhu ma ngorana atatoko de ma dadatoko abe o behino yodiai. Masara ngaro hokogea ma bobuturungu masara ka idadi hahikala mata-mataika. De nagali manga kapongo muruono naga abe ko iwa ma dadaduhu, de enangoo hahikala ka ma moi de manga kota-kota.

Yosua 11:14

De nako ma kota-kota gea ma kiahonanga de ma aewani ma duduono, gea mata-mata o Isiraele ma nyawa yomahitoona. Masara abe ma titi ma nyawa gea duru yamataka.